Joni 1:41 - Baibo Busansulushi Bwa Libuku Ili

⁴¹ Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”)

Joni 1:41 Marejeleo ya Msalaba

2 Baami 7:9

Mpeeke bakalyaamboosha ayi, “Tatweelete kucita bobulya! Tulicite makani abotu alimwi tatweelete kwaashibabo sweenka. Na tulindile ayi tukaambe macuunsa, ncakwiila tulaakupekwa mulandu. Anu katiya tukaluule kubacinenenene ba mwaami!”

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Luka 2:17

Beembeshi ndibakamubona, bakakonkolola shoonse nshibakaambilwa kumunjelo pamwaana uyo.

Luka 2:38

Ceenka ici ciindi Jesu ndyaakatolwa, Ana wakashika walumba Lesa akwaamba makani pamwaana uyo kuli baabo boonse bakalinga kulindilila kupulushikwa kwa Jelusalemu.

Joni 1:45

Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 4:25

Mwanakashi uyo wakaamba ayi, “Ndishi kwaamba ayi Usalitwe wakwe Lesa (wiitwa ayi Klistu) ulaakwisa. Na akese, ulaakutusansulwita shintu shoonse.”

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.