Joni 1:33 - Baibo Busansulushi Bwa Libuku Ili

³³ Nebo palwaangu nshindakalinga kumwishi, sombi Lesa uyo wakantuma mukubombeka amaanshi ngowakandwiita ayi, ‘Uyo ngweshi ukabone waselukilwa Mushimu Usalashi akwikala pali nguwe, ukeshibe ayi ngowooyo ubombeka aMushimu Usalashi.’

Joni 1:33 Marejeleo ya Msalaba

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Luka 3:16

Lyalo Joni wakabaambila boonse ayi, “Nebo ntoomubombeka amaanshi, sombi uyo utoosa uleendaawo nkusu pali ndime cakwaamba ayi nsheelete akwaangulula nsapato shakwe. Uyo lakwe ulaakumubombeka aMushimu Usalashi alimwi amulilo.

Joni 1:31

Nebo palwaangu nshindakalinga kumwishi, sombi ndakesa mukubombeka amaanshi kwaamba ayi bamwishibe bene Isilaeli.”

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Milimo ya Batumwi 1:5

Mukwiinga Joni wakalinga kubombeka amaanshi, sombi kapatana kwiinda nshiku shiinji mwebo mulaakubombekwa aMushimu Usalashi.”

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

1 Bene Kolinto 12:13

Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.