Joni 1:29 - Baibo Busansulushi Bwa Libuku Ili

²⁹ Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 1:29 Marejeleo ya Msalaba

Kulonga 28:38

Aloni ulyeelete kunookafwala pankumo, kwaamba ayi nebo neMwaami Lesa nkanootambula shipo shoonse bene Isilaeli nsheenga babenga kuli ndime, nabi bantu babisha pakupa shipo isho.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 53:7

“Wakalyatililwa akupenshekwa sombi taakwe kwaambaawo nabi liswi lyomwi. Wakatolwabo anga ngumwanaambelele utooya mukucaikwa. Nabi anga ngumwanaambelele utaliili pakuya mukuceswa booya. Ncakwiila taakwe kwaambaawo nabi liswi lyomwi.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Bene Lefi 10:17

“Tamukwe kulitaanshi mulambu wakulekelelwa shibiibi mumusena usalalite? Mulambu uyu ulisalalite abuumbi, alimwi Mwaami Lesa wamupa ayi shibiibi sha bene Isilaeli boonse shilekelelwe.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Shakubelenga 18:1

Mpeeke Mwaami Lesa wakaambila Aloni ayi, “Webo, bana bako basankwa alimwi abene Lefi bamwi mulyeelete kunoolanga pamilandu ikumite kuTente ya Cipangano. Ono webo alimwi abana bako basankwa, nweenkabo, mulyeelete kunoolanga pamilandu ikumite kubupailishi.

Shakubelenga 18:23

Bene Lefi beenkabo mbobeelete kunoosebensela muTente alimwi mbweshi bakanoopekwa mulandu pacibiibi cacitika umo. Uyu ngumulawo weelete kunookonkelwa lyoonse mumashalane oonse acisa. Bene Lefi teshi bakapekwewo cintu ayi ncabo pamikowa yoonse ya bene Isilaeli.

Shakubelenga 21:9

Aboobo Mose wakapanga nsoka ya bulonse akuyaanjika pacisamu. Uyo woonse wakalumwa akulanga kunsoka iyo, wakaba kabotu.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Joni 1:35

Bushiku bwakaboolaawo Joni wakalinga kwiimfwi pamusena weenka uyo alimwi abashikwiiya bakwe bobilo.

Joni 1:36

Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!”

Joni 1:43

Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!”

Joni 2:1

Ndipakeenda nshiku shobilo kwakaba bwiinga mundabala ya Kana mucishi ca Galili. Banyina Jesu bakalingaako.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 4:42

Mpeeke bakaambila mwanakashi uyo ayi, “Twashooma ono, kutaamba ayi mukwiinga watulwiita, sombi mukwiinga twalinyumfwila sobeene. Ono alimwi tweshiiba kwaamba ayi nguMupulushi wa bantu boonse ba mucishi ca panshi.”

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Milimo ya Batumwi 13:39

Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha.

Milimo ya Batumwi 8:32

Maswi a muMalembo ngaakalinga kuya cibelenga ngaaya, “Wakalinga anga nimbelele itootolwa mukucaikwa, alimwi anga ngumwanaambelele utaliili pakuceswa booya. Taakwe kwaambaawo nabi liswi lyomwi.

1 Bene Kolinto 15:3

Ceebo makani anene ngondakamuletela ngoaayo anebo ngondakapekwa. Makani ayo ngakwaamba ayi Klistu wakafwa ceebo ca shibiibi shesu bweenka bwaamba Malembo akwe Lesa.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 14:1

Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:7

Atusangalale akukondwa, tulumbaishe bulemu bwakwe! Mukwiinga ciindi cakusekelela bwiinga bwa Mwanaambelele cashikila, alakwe mwanakashi ngwaatokweeba walibambila kale.

Ciyubululo 19:9

Mpomunyaawo munjelo wakandwiita ayi, “Ulembe ayi balicite coolwe abo bakatambwa kubwiinga bwa Mwanaambelele.” Alakwe munjelo wakanungaawo ayi, “Aya ngamaswi alushinisho akwe Lesa.”

Ciyubululo 21:14

Lubumbu lwa ndabala iyi lwakalinga kuyakitwe palwiimbi lwa mabwe ali likumi aobilo apo pakalinga kulembetwe meena a batumwi ba Mwanaambelele bali likumi abobilo.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 21:9

Umwi munjelo pabaabo bali bosanwe abobilo bakalinga kucite mbale shifongomene shili shosanwe ashobilo, isho shakalinga kuswite myaalu yamamanino ili yosanwe ayobilo, wakesa mukundwiita ayi, “Kosa nkuboneshe mwanakashi uyo weshi akeebwe kuMwanaambelele.”

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Ciyubululo 6:1

Mpeeke ndakabona Mwanaambelele kaalamatula kalamatila wa keshibilo utaanshi pabaabo bali bosanwe abobilo. Lyalo ndakanyumfwa cilengwa cuumi cimwi pashilengwa shone isho, coolobesha aliswi lyakalinga kunyumfwika anga ncilulumo ca mfula ayi, “Kosa!”

Ciyubululo 6:16

Bakaambila tulundu alimwi amyaandami ayi, “Amutuwiite kwaamba ayi mutushiseeko kuli wooyo ushiite pacuuna ca bwaami alimwi akubukali bwa Mwanaambelele!

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”