Jobo 9:25 - Baibo Busansulushi Bwa Libuku Ili

²⁵ “Nshiku shangu sheenda lubilo kwiinda muntu shikucica, shafwambaana kweenda kwakubula acibotu ncendabonaawo.

Jobo 9:25 Marejeleo ya Msalaba

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

Esita 8:14

Aboobo beshinkombe bakaya kabatantite maaki a mwaami acica bunene. Bakafwambaana kweelana abwakabaambila mwaami. Mulawo uyu wakaambwa amuSusa ndabala inene ya mwaami.

Jobo 14:1

“Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Kulumbaisha 39:11

Mwebo mulapa mulandu akukalalila muntu ceebo ca shibiibi shakwe. Mulanyonyoola buboni bwakwe anga ngamacenje. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Kulumbaisha 89:47

Amwiibaluke buumi bwangu mbobubete kufwiimpa. Amwiibaluke swebo mbomwakatulenga ayi katufwa.

Jemusi 4:14

Sombi tamwishi ambweshi bukace ciilo. Mwebo mulibo anga mbwiishi ubo bubonekabo ciindi ciniini akushimingana.