21 Ono mbweeke ubo amwebo mbomubete kuli ndime, mwabona mapensho ngooncite akuloonda.
Ono mwebo mutoobotesha makani kwiinda mububeshi. Mwebo noonse mulibo bashiliki batakoonshi kushilika muntu.
Boonse beensuma beene beene balanaama. Ncakwiila abo boonse mboonsunishi bangalookila.
Ono mwebo nobeensuma mutoombecabo anga ntulonga, ee, tulonga tuyuma muciindi ca cilimo.
Sa ndakamusengawo ayi muncaafwe, nabi kwaamba ayi mundubuleeko abuboni bwanu?
Beensuma abeshikamukobonyinaangu tabatoonshika pafwaafwi ceebo ca shiloonda nsheencite. Abalo bamuŋanda yangu balakalila palaale anebo.
Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.
Muntu mukandu ulanaamwa akubeshikamukowa bakwe. Ono balo babye baleendaawobo kumunaama. Nabi weelesha buyani kubakonkela cakulikombelesha, ndushinisho ulalemabo cakutabacanaawo.
Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?
Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”
Jesu wakaambila bashikwiiya bakwe ayi, “Sunu lyeenka mashiku, mwebo noonse mutotyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’
Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.
Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!