21 Taaku ngoontoosalulula pakati kanu nabi kulumbaisha umwi uli woonse cakubeca.
Ono nemusebenshi wanu ntokwaamba ayi, ‘Maswi anu nobaami aabe aayo eshi ankalike moyo, mukwiinga nkambo nobaami mulibo anga ngumunjelo wakwe Lesa mukwishiba cibotu acibiibi. Mwaami Lesa, Lesa wanu abe amwebo’ ”
Nakubi boobo Joabu ncaacitila bobulya nkwaamba ayi shintu shilulame. Mwebo nkambo busongo mbomucite bulibo anga mbwa munjelo alimwi mulishi shoonse shicitika mucishi cino.”
Ncakwiila ulakonsha kumukalalila, na mwacanikwa ayi mubushishi kuli mbomucitila kasalulushi.
Sa mutootondesha kasalulushi kuli nguwe? Sa mutokwiimikaninako Lesa mulandu wakwe?
Ndaalilwa kulicata, ndyeelete kwaamba ceebo na ŋambe ndyeshi njoye.
Nebo nshicishiiwo kulumbaisha muntu cakubeca. Na ndacita boobo, Mulengi wangu inga wampa mulandu cakufwambaana.
Maswi angu alaswa mumoyo ululeme. Mulomo wangu awalo ulaamba shalushinisho.
Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.
“Ino mulaakucileka lili kwiimikanina bataluleme akufuninina bantu babiibi?
Utu ntushimpi atumwi twa basongo, Ncibiibi kuba akasalulushi pakoombolosha.
Uyo ukalalila mubye ulaakusunwa kumeelelesho, kwiinda muntu ubonesha lusuno lwakubeca.
“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.
Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”
Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.
Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’
Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.