Jobo 23:13 - Baibo Busansulushi Bwa Libuku Ili

¹³ “Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Jobo 23:13 Marejeleo ya Msalaba

Jobo 10:13

kakuli shoonse ishi mwakalinga mwashishisa mumoyo wanu. Ono sunu ndindeshiba ayi wakalinga ngomuyeeyo wanu.

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Jobo 11:10

“Ono na Lesa wakucata akukoombolosha, anu ngani weenga wakonsha kumukasha?

Jobo 12:14

Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Jobo 23:14

Ulaakuncita bweenka mbuli mbwaabambite pali ndime, Ulicite miyeeyo aimwi iinji njaabambite kucita pali ndime.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Shikushimikila 1:15

Cintu cikonkomene tacikoonshi koololwa. Shintu shitapo tashikoonshi kubelengwa.

Shikushimikila 3:14

Ndishi kwaamba ayi isho shoonse Lesa nshaakacita, shinanoolikobo kwalyoonse alyoonse. Taaku ceenga ceelikwaawo nabi kukushikwaawo pashintu isho. Ncakwiila Lesa wakacita shintu shoonse kwaamba ayi tunoomulemeka.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Bene Loma 9:19

Ono umwi pali ndimwe inga weepusha ayi, “Ino ono na Lesa mbwaacita ubo, ulapetanshi bantu milandu? Ino ngani weenga wakasha Lesa kucita nshaasuni?”

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.