Jobo 21:26 - Baibo Busansulushi Bwa Libuku Ili

²⁶ Sombi boonse aba balafwa akoona mubulongo. Ndushinisho boonse balalitwa pantu pomwi kumapila.

Jobo 21:26 Marejeleo ya Msalaba

Jobo 17:14

Ndaakutumba cuumbwe ayi bata akutumba mapila eshi akanoondya ayi bama nabi ayi nankashi.

Jobo 19:26

Ono nabi cikanda cangu camana kunyonyoolwa, sombi mumubili wangu uyu weenka ndaakubona Lesa.

Jobo 20:11

Mubili wakwe wakalinga kucite nkusu shabucikula bwangu, sombi nkusu shakwe isho shilaakuloba pantu pomwi anguwe mubulongo.

Jobo 21:25

Sombi bamwi balafwa kaboongumene abuumbi mumyoyo, kufwabo kabatana kulyaawo shibotu mubuumi bwabo.

Jobo 21:27

“Ndishi kabotu kabotu nshemutooyeeya, ee, miyeeyo yanu ibiibi pali ndime ndiishi.

Jobo 24:20

Abalo banyina balamulubaako. Mapila aalo alamulya cakutamushiyaako. Ulanyonyoolwabo bweenka bunyonyoolwa cisamu cawa.

Jobo 3:13

Nendakasansulwa, naakwiinga sunu nshintoopenga. Ncakwiila naakwiinga ndiletebo tontolo

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Shikushimikila 9:2

Boonse balacitikilwa shintu sha mushobo womwi, baluleme abamucita shibi, babotu abaabo bataciti shibotu, basalalite abatasalalite kweelana aMilawo, babenga milambu abaabo batabengi. Bweenka mbocibete kumuntu mubotu, mbweeke ubo mbocibete akumucita shibi. Bweenka mbocibete kubaabo bashomesha cakulumbila, mbweeke ubo mbocibete akubaabo baloonda kushomesha.

Shikushimikila 9:3

Ici mbobubi buli mushintu shoonse shicitika pacishi ca panshi. Shoonse cililo ca nkumo ncimwi. Kulilabo na bantu bacili boomi, balayeeya shintu shibiibi alimwi ashabushincinko. Lyalo kumeelelesho balafwa.

Isaya 14:11

Wakalinga kulemekwa akwiimbilwa nyimbo alimwi akulishilwa tulumbu, sunu bulemu bwako boonse bwapampamukila mumusena wa bafu. Bulo bwako sunu ngamapila alimwi mapila ndyelinduumba lyako.’