Jobo 20:26 - Baibo Busansulushi Bwa Libuku Ili

²⁶ Shoonse nshaacite shilanyonyoolwa. Mulilo utanyashikwi amuntu ulamutenta, ulatenta ashintu shoonse shili muŋanda yakwe.

Jobo 20:26 Marejeleo ya Msalaba

Jobo 15:30

Munshinshe wa lufu teshi akoociceewo. Ulaakuba anga ncisamu ico capitwa misampi. Lyalo cipuupu cinene ciswa kuli Lesa cilaakumupepelusha akumutola.

Jobo 5:14

Balaba mumunshinshe ciindi ca malumwi akutalika kupampanshapampansha anga ndimashiku.

Kulumbaisha 120:4

Ulaakumupa mulandu kwiinda mukumuyasa amifwi ikolete ya shilumamba alimwi amakalangasha a mulilo afubela pyu.

Kulumbaisha 21:9

Bushiku mbweshi mukaboneke mulaakubawaala mumulilo uli anga ngwa mumunyumbi. Mwaami Lesa ulaakubamana katyenke mubukali bwakwe. Ncakwiila mulilo wakwe ulaakumana kubalobya.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Mateyo 8:12

Sombi abo boonse bakalinga kweelete kuba muBweene bwa kwiculu balaakuwaalwa pansengwe kumunshinshe uko nkweshi bakanoolila akulumanya meeno.”

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.