Jobo 20:19 - Baibo Busansulushi Bwa Libuku Ili

¹⁹ Ceebo wakapensha akulekelesha bakandu, akubwesa maanda ngaatakwe kuyaka.

Jobo 20:19 Marejeleo ya Msalaba

1 Baami 21:19

Uye umwaambile ayi Mwaami Lesa waamba ayi, ‘Ndiwamana kucaya muntu uyo, sa ulisuni kubwesa amuunda wakwe?’ Lyalo umulwiite ayi, ‘Pamusena apo peenka bakabwa mpobakamyangutila bulowa bwakwe Naboti, awebo bulowa bwako mpweshi bakabumyangutile.’ ”

Jobo 18:15

Muŋanda yakwe taamu caakwe ciciliimo. Mulasanseelwa salufa kucaya tulongolo tuleta malwashi.

Jobo 22:6

Ceebo ca nkongole icite mukwanu, wakacatilaamo cintu cakwe. Wakamunyaya shakufwala akumushiya matakosha.

Jobo 35:9

“Bantu na balyatililwa balatama. Balatamina umwi ayi abapulusheeko kubeshinkusu.

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 12:6

Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Malilo 3:34

Mwaami Lesa taakoondwi kulyatilila baangitwe boonse mucishi.

Esekelo 22:29

Bantu ba mucishi balacenjeeka babyaabo alimwi akwiipa, balalyatilila bakandu abataaku mbobabete. Balapensha beensu akubanyengelela.

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Mika 2:9

Mulatandaanya banakashi ba bantu bangu, ee, kubatandaanya kuswa mumaandaabo abotu. Mulaakukusha coolwe cangu pabana babo ayi bacibuule kwalyoonse alyoonse.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.