Jobo 15:21 - Baibo Busansulushi Bwa Libuku Ili

²¹ Matwi akwe ngeshi kunyumfwabo maswi ayoosha. Peenka mpaabonena ayi waba muluumuno, bapambi nkumutuula.

Jobo 15:21 Marejeleo ya Msalaba

2 Baami 7:6

Mwaami Lesa wakalengesha ayi bene Silya banyumfwe anga mbashilumamba batoosa cicica amaaki alimwi ashikoci. Balo bene Silya bakayeeya ayi mwaami wa bene Isilaeli walipila bamaami ba bene Iti abene Ijipiti pantu pomwi abashilumamba babo ayi bese babalwaane.

Esita 7:6

Esita wakakumbula ayi, “Mulwani wesu, shikutupensha, ngooyu Amani muntu mubiibi.” Amani wakalinga kulangilisha mwaami amukaakwe kaaloondete abuumbi.

Jobo 15:24

Buumba alimwi amapensho shamulenga boowa. Shilamukonga anga ngumwaami shinkusu ulibambite kulwana.

Jobo 18:11

“Shiyoosha shitoomulindila kumbasu shoonse. Shilamukonkela kuli koonse nkweenga waya.

Jobo 18:14

Watupulwa muŋanda mwaakalinga kwikala kwakubula cakulisukama. Watolanishikwa kuya mukukumana amwaami Lufu.

Jobo 20:21

Wakalinga kulya buboni bwakwe cakumaninisha. Aboobo buboni bwakwe boonse bwamana cakufwambaana.

Jobo 22:10

Nceceeci ncewateyelwa mikoti koonse koonse, alimwi cakuteengashila boowa bunene bwakucata.

Jobo 24:17

Na kwashiya balo ndyebuca, tabaloondiiwo ashiyoosha mumunshinshe.

Jobo 27:20

Lyalo boowa bulashikilabo kumucata bweenka bupulumuka maanshi asefuka. Ndushinisho ulaloonda cakwaamba ayi ulatolekwabo kucipuupu cinene mashiku.

Kulumbaisha 92:7

ayi nabi bamucita shibi basumpuka calubilo bweenka bukula bwiisu, ee, nabi bacita shilubo boonse inga basumpuka, balaakunyonyoolwa cakumaninina.

Tushimpi 10:24

Bamucita shibi balapekwa shintu isho nshebaloonda, sombi baluleme balatambula shoonse nshebasuni.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

1 Bene Kolinto 10:10

Tatweelete kunootongooka bweenka bwakacita bamwi pakati kabo, alimwi bakacaikwa amunjelo unyonyoola.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).