Jobo 14:13 - Baibo Busansulushi Bwa Libuku Ili

¹³ “Ono nicabota abuumbi nimwanshisa mumusena wa bafu, kunshisa kushikila bukali bwanu bukeende, lyalo inga mwabamba ciindi cakunjibaluka.

Jobo 14:13 Marejeleo ya Msalaba

Matalikilo 8:1

Lesa taakalinga kumulubiteeko Nowa abanyama mbwaakalingaabo mubwaato. Aboobo wakalengesha muuwo kupuupa amaanshi kuya ciyuma.

Jobo 14:14

Na muntu wafwa, sa inga wayoya alimwi? Munshiku shoonse sha mulimo wangu uyumu ndanoolindilila kushikila nkaswe mumapensho.

Jobo 7:9

Bweenka mbuli likumbi mbolisunguluka akumana, mbweeke ubo alakwe uya mucuumbwe mbwaalobelabo limwi.

Kulumbaisha 106:4

Amunjibaluke noBaami baLesa, ciindi ndyemufwita nkumbu bantu banu. Amumfunine kumwi ndyemubapulusha

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Maako 13:32

“Sombi pamakani a bushiku bwakwisa nabi ciindi, taaku nabi womwi ushi. Baanjelo boonse ba kwiculu tabeshi, nabi MwanaaMuntu teeshiiwo, sombibo baTa beenka.

Luka 23:42

Mpeeke wakaamba ayi, “BaJesu, mukanjibaluke mwaakwisa muBweene bwanu.”

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”