Jobo 12:15 - Baibo Busansulushi Bwa Libuku Ili

¹⁵ Na wakasha mfula kuloka, ncakwiila kulababo cilanga. Na weesuminisha kuloka, ndushinisho cishi coonse cilaba mubulobe.

Jobo 12:15 Marejeleo ya Msalaba

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Matalikilo 7:11

Nowa ndyaakaba amyaaka ili 600, pabushiku bwa likumi anshiiku shosanwe ashobilo, mumweenshi wabili, toonse tuntupu twa mashiba anene ali panshi lya nshi twakacaluka. Ashalo shilyango sha miyoba shakacaluka kwiculu.

Matalikilo 8:1

Lesa taakalinga kumulubiteeko Nowa abanyama mbwaakalingaabo mubwaato. Aboobo wakalengesha muuwo kupuupa amaanshi kuya ciyuma.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 17:7

Ndipakeenda ciindi kalonga ako kakayuma mukwiinga tekwakalinga mfula.

Jobo 12:10

Buumi bwa shilengwa shoonse buli mumaansaakwe. Ncakwiila abwalo buumi bwa bantu boonse ngoobucite.

Jobo 28:25

Lesa ndyaakapa nkusu kumuuwo akupima mweelete kweela lweenge,

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Luka 4:25

“Ono amunyumfwe, kwakalinga bamukalubinje banakashi baanji mulya muIsilaeli munshiku shakwe Elija mulaluki mukulukulu, ndikwakabula mfula myaaka yotatwe amyeenshi yosanwe awomwi, kwakaba nsala inene mucishi coonse.

Dutolonomi 11:17

Na mukacite boobo, Mwaami Lesa ulaakumukalalila. Ulaakucata mfula, lyalo inshi ilaakuyuma cakutamena shishango. Mpeeke mulaakufwa cakufwambaana mweenka umo mucishi cibotu ncaatoomupa.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.