Jobo 12:14 - Baibo Busansulushi Bwa Libuku Ili

¹⁴ Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Jobo 12:14 Marejeleo ya Msalaba

Matalikilo 7:16

kweelana aLesa mbwaakaamba. Lyalo Mwaami Lesa wakacala cisasa Nowa ndyaakenjila mubwaato.

Jobo 11:10

“Ono na Lesa wakucata akukoombolosha, anu ngani weenga wakonsha kumukasha?

Jobo 16:11

Lesa wangaba mumaansa a bamucita shibi. Ncakwiila wangaba munkusu sha bantu bataluleme.

Jobo 19:10

Wanguma mumbasu shoonse. Kulangila kwangu wamana kukunyonyoola akunshiyabo anga ncisamu cashulwa.

Jobo 37:7

Ulalengesha bantu boonse kuleka kusebensa kwaamba ayi muntu woonse uyo ngwaakalenga eshibe milimo yakwe.

Shikushimikila 7:13

Koyeeya isho shakacita Lesa. Ngani weenga woolola cintu ncaakakonkomeka kale?

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 22:22

Ndaakumupa cakucalwisha cakwe Defedi. Ico nceenga wacalula taaku weenga wacicala acalo nceenga wacala taaku weenga wacicalula.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Jelemiya 51:58

Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Esekelo 26:14

Ndaakushiyabo mwaandami apo beshikucaya nswi mpweshi bakanooyanikabo toombe twabo. Teshi ukayakululweewo tubili, Nebo neMwaami Lesa Shinkusu shoonse ndime ndaamba.’

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Bene Loma 11:32

Lesa walengesha bantu boonse kuba anga mbakaili ceebo cakutamunyumfwila. Wakacita boobo kwaamba ayi abanyumfwile nkumbu boonse.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

1 Samwelo 17:46

Sunu Mwaami Lesa utookwaaba mumaansaangu ayi kuncaaye akukusutula mutwi. Mibili ya bene Filisiti sunu ntooipa bayuni abanyama bamuluundu. Lyalo bantu ba mucishi ca panshi coonse batooshiba ayi muli Lesa muIsilaeli.

1 Samwelo 24:18

Sunu wantondesha mboobete kabotu kuli ndime mukwiinga tookwe kuncaya nakubi kwaamba ayi Mwaami Lesa walinga wangaba mumaansaako.

1 Samwelo 26:8

Lyalo Abishayi wakaambila Defedi ayi, “Sunu Mwaami Lesa waaba mulwani wanu mumaansaanu. Amunsuminishe mutungile kuntu komwi anshi alisumo palinkanda lyomwibo, teshi mbooshemo lyobilo.”