Jemusi 3:17 - Baibo Busansulushi Bwa Libuku Ili

¹⁷ Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Jemusi 3:17 Marejeleo ya Msalaba

1 Baami 3:12

ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Makani 22:12

Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.

Jobo 28:12

“Sombi nkuli kweenga kwacanwa busongo? Anu nkuli lushibo nkweenga lwacanikwa?

Jobo 28:23

“Lesa eenka ngooshi nshila iya kubusongo, lakwe eenka ngooshiiko uko nkobucanika

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Kulonga 36:2

Mpeeke Mose wakeeta Besalelo, Oolyabu alimwi abasankwa bamwi boonse bacishi milimo abo Mwaami Lesa mbwaakapa maano alimwi bakalinga kulibambite kucafwa, akubalwiita ayi batalike kuyaka.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

Malaki 3:3

Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.

Mateyo 23:28

Amwebo bweenka mbomubete. Mulaboneka anga muliluleme kubantu, sombi mukati muliswitebo shintu shabubeshi ashibiibi.

Mateyo 5:8

“Balicite coolwe abo basalalite mumyoyo, mukwiinga balaakubona Lesa.

Mateyo 5:9

“Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Luka 6:36

Amube ankuumbu bweenka mbuli Ishiwanu wa kwiculu.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Milimo ya Batumwi 11:24

Banabasi wakalinga muntu kabotu utanjililwa aMushimu Usalashi alimwi wakalinga kucite lushomo lunene. Mpeeke bantu baanji bakashoma muMwaami Jesu.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Bene Loma 12:18

Na kacikonsheka mulyeelete kwikala muluumuno abantu boonse.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

2 Bene Kolinto 7:11

Amubone buumba bwanu busangalasha Lesa ncebwamucitila! Bwamulengesha kuyandishisha, ayi mucite akutondesha ayi tamucite mulandu. Mwakakalala abuumbi alimwi mwakalinga kuloondete paceeco cakacitika. Bwakamulengesha kuyanda kumbona akupa mulandu wooyo wakabisha kweelana ambwaaelete. Ono mucikani coonse ici mwatondesha ayi tamucite mulandu.

2 Bene Kolinto 9:10

Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

1 Bene Tesalonika 2:7

Ee, mbuli batumwi bakwe Klistu necakalulamabo kumusenga shintu, sombi swebo twakalibombya pakati kanu bweenka mbuli mushali mwanakashi mbwaalama bana bakwe.

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

2 Timoti 2:24

Musebenshi wa Mwaami teelete kwaambana abantu. Ulyeelete kunyumfwa nkumbu kubantu boonse, kuba mufundishi wiisha kabotu camoyonteeka,

Taitasi 1:15

Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.

Taitasi 3:2

Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.

Bene Ebulu 12:11

Ono swebo na twabuulwa, tulabona anga ncintu cilensha nsoni paciindi ico, tacituboteliiwo. Sombi kunembo, bantu abo Lesa mbwaakabuula munshila yeeyi, balatambula cilambu ca kwikala muluumuno alimwi abululami.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Jemusi 2:4

Na mwacita boobo, sa te mulicite mulandu wakusalululana pakati kanu akoombolosha kwiimfwi pamiyeeyo ibiibi?

Jemusi 3:15

Ceebo busongo bwa mushobo uyu tabuswi kwiculu. Bulaswa mucishi ca panshi, mbwa buntu alimwi mbwa bushikaswa.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

1 Pita 2:18

Nobasebenshi kamulibombya kubamaami banu akubalemeka cancinencine, kuteshibo baabo bali kabotu alimwi bamunyumfwila nkumbu, sombi abaabo beshilunkutwe.

1 Joni 3:18

Nobana bangu, lusuno lwesu lutabibo lwa pamulomo, sombi tulyeelete kubonesha lusuno lwancinencine mumicito yesu.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.