Jemusi 3:13 - Baibo Busansulushi Bwa Libuku Ili

¹³ Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

Jemusi 3:13 Marejeleo ya Msalaba

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Kulumbaisha 107:43

Muntu woonse musongo aanyumfwe shintu ishi akuyeeya palusuno lwa Mwaami Lesa lutamaani.

Kulumbaisha 122:8

Ceebo ca bamakwesu abeensuma ndaamba ayi, “Luumuno lwikale mukati kako.”

Kulumbaisha 149:4

Ceebo Mwaami Lesa ulakondwa mubantu bakwe, ulalemeka baliceesha mukubapa nkusu shakukoma.

Kulumbaisha 25:9

Abo balibombya ulabatanjilila munshila shiluleme, alimwi ulabeeisha mbobeelete kweenda.

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Shikushimikila 8:1

Ngani uli anga ngumusongo? Ngani weenga weshiba kusansulula shintu shoonse? Busongo bulalengesha muntu kusangalala alimwi bulamana mikonya pameenso akwe.

Shikushimikila 8:5

Uyo woonse ukonkela milawo yakwe teshi akacane mulandu. Musongo uleshiba ciindi ceelete anshila yakucitilamo boobo.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 60:6

Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Jelemiya 9:12

Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Mateyo 5:5

“Balicite coolwe abo balibombya, mukwiinga Lesa ulaakubapa cishi ncaakabashomesha.

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

1 Bene Kolinto 6:5

Ndaamba boobo kwaamba ayi munyumfwe nsoni. Sa ncakwiila mutoondwiita ayi taaku nabi womwi musongo pakati kanu weenga woombolosha bashominyina?

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 8:24

Amutondeshe basankwa abo ayi mulibabasuni. Shoonde shoonse shaakunyumfwa cikani ico, shilaakushinisha kwaamba ayi kumulumbaisha kwesu nkwalushinisho.

Bene Galatiya 5:23

kulibombya alimwi akulitibuka. Taaku mulawo ukasha shintu ishi.

Bene Galatiya 6:1

Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.

Bene Galatiya 6:4

Muntu woonse ulyeelete kubona milimo yakwe mbuli mbweebete. Na ili kabotu, inga walisumpula ceebo ca njiyo, cakuteelanya aya umwi muntu.

Bene Efeso 4:2

Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

Taitasi 3:2

Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Pita 1:15

Sombi amube bantu basalalite mushintu shoonse nshemucita bweenka mbuli busalalite Lesa uyo wakamwiita.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 3:4

Sombi akube kwa mukati mumoyo. Uku nkokulibotesha kutamaani, kwa buumi bwakuteekanya akulibombya. Buumi bwa mushobo wooyu Lesa mbwaabona ayi bulicite makwebo abuumbi.