Jemusi 2:25 - Baibo Busansulushi Bwa Libuku Ili

²⁵ Mbweeke ubo Laabu mufuule ulya, wakalulamikwa pameenso akwe Lesa ceebo ca micito yakwe ndyaakatambula beshikusensa bene Isilaeli, akubacafwa ayi baloboke mukubeensha nshila imwi.

Jemusi 2:25 Marejeleo ya Msalaba

Mateyo 1:5

Salumoni wakashala Bowasi muli Laabu, Bowasi wakashala Obedi muli Lute, alakwe Obedi wakashala Jese.

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Milimo ya Batumwi 17:7

Lakwe Jasoni wabatambula muŋanda yakwe. Bantu boonse aba batosotoka milawo yakwe Sisa muleli munene wa kuLoma ceebo batokwaamba ayi kuli aumwi mwaami wiitwa ayi Jesu.”

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

Jemusi 2:22

Sa te waboona ono kwaamba ayi lushomo lwakwe amicito sheendela pantu pomwi? Lushomo lwakwe lwakashika payanda Lesa ceebo ca micito.

Jemusi 2:24

Ono waboona ayi muntu ulalulamikwa pameenso akwe Lesa kwiinda mumicito kuteshibo mulushomo lweenka.

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 2:15

Lyalo Laabu wakabakushisha pambwelyo kabacatite kuntambo, ceebo ŋanda njaakalinga kwikalaamo yakalinga kucatenebo alubumbu lwa ndabala inene iyo.

Joshuwa 2:16

Wakabaambila ayi, “Amuye mutulundu ceebo bantu ba mwaami abo batooya cimuyandoola inga bamucana. Muyube nkomunya uko kwanshiku shotatwe kushikila bakaboole. Kuswawaawo ndyeshi mukanooya.”

Joshuwa 2:4

Sombi mwanakashi paciindi ici kaali wabashisa kale boonse bobilo. Mpeeke wakakumbula ayi, “Ncakwiila basankwa bobilo bakesa kuli ndime, sombi nshikwe kwishiba nkobakaswa.

Joshuwa 2:6

Anu wakabashisa paciluli panshi lya shishiko sha butonje nshaakayala apo.

Joshuwa 6:17

Ndabala inene iyi alimwi ashintu shoonse shiliimo shilyeelete kunyonyweetwabo limwi ayi shibe cipo kuMwaami Lesa. Mwanakashi mufuule Laabu alimwi abamuŋanda yakwe beenkabo mbweshi bapuluke, ceebo lakwe wakashisa beshikusensa besu.