Jemusi 2:19 - Baibo Busansulushi Bwa Libuku Ili

¹⁹ Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.

Jemusi 2:19 Marejeleo ya Msalaba

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.

Jona 4:4

Nacibi boobo, Mwaami Lesa wakamukumbula ayi, “Sa pali nceenga cakukalasha apa?”

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Maako 12:29

Jesu wakakumbula ayi, “Mulawo unene ngooyu, ‘Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo.

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Maako 7:9

Jesu wakatolelela akubaambila ayi, “Mulicite nshila ya bucenjeshi iyo njemushiilaamo milawo yakwe Lesa, kwaamba ayi muyumye milawo yanu ya bakulukulu.

Luka 4:34

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi ndimwe wooyo Usalalite uswa kuli Lesa!”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

Milimo ya Batumwi 19:15

Sombi bumwi bushiku shikaswa wakabaambila ayi, “Nebo Jesu ndimwishi alimwi ashicita Paulo shoonse ndishishi. Ino mwebo ndimwe baani?”

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Bene Loma 3:30

Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Bene Galatiya 3:20

Sombi tapayandiki shikwiimikana pakati umwi na kapalibo muntu womwi alimwi Lesa ngomwibo.

Dutolonomi 6:4

“Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo!

1 Timoti 2:5

Ceebo kuli Lesa womwibo ashikwiimikana pakati kakwe Lesa abantu womwibo. Muntu uyo nguKlistu Jesu,

Jemusi 2:8

Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.