Jemusi 1:26 - Baibo Busansulushi Bwa Libuku Ili

²⁶ Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

Jemusi 1:26 Marejeleo ya Msalaba

Jobo 15:13

Sa nkwaamba ayi ukalalile Lesa kwiinda mukwaamba maswi a mushobo uyo ngootokwaamba?

Jobo 30:11

Ceebo cakwaamba ayi Lesa wanyaya nkusu akumbombya, bangalookila akunoocitabo shili shoonse nshebasuni kumeenso angu.

Kulumbaisha 141:3

NoBaami baLesa, amubike shikulindilila pamulyango wa mulomo wangu. Ncakwiila mutansuminishi kwaamba maswi abiibi.

Kulumbaisha 32:9

Utabuli maano anga ndiaki nabi mbongolo isho shicitabo kuyanda kwa mwinesho na shilyaangitwe ntambo atweela mukanwa. Kwabula boobo shifubwa isho tashinyumfwili.

Kulumbaisha 34:13

ulyeelete kucileka kwaamba shibiibi alimwi mulomo wakwe teshi ukaambe shabubeshi.

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.

Tushimpi 10:31

Mumulomo wa muntu ushomeka mulaswa shintu sha busongo, sombi mulaka waamba shibiibi ulaakutimbulwa.

Tushimpi 14:12

Kuli nshila bantu njebabona ayi ililuleme, sombi kumeelelesho ilatola kulufu.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Tushimpi 16:10

Mulomo wa mwaami ulaamba ankusu shiswa kuli Lesa, aboobo mulomo wakwe toomboloshi cakutalulama.

Tushimpi 16:25

Kuli nshila bantu njebabona ayi ililuleme, sombi kumeelelesho ilatola kulufu.

Tushimpi 19:1

Muntu mukandu utacite kampenda ngumubotu kwiinda muluya ucite mulomo uya bubeca.

Tushimpi 21:26

Lakwe ngushi lunkumbwa lwakuba ashimwi ciindi coonse, sombi balo baluleme mbeshi kwaababo ca moyo woonse lyoonse.

Isaya 1:13

Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Isaya 44:20

Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Mateyo 15:9

Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa!’ ”

Maako 7:7

Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa!’ ”

Luka 8:18

Aboobo amucenjele ambomunyumfwa maswi akwe Lesa. Mukwiinga uyo ucite kale ulaakubikilwaawo, sombi ucite kaniini ulaakunyaikwa nabi kaako koonse nkaacite.”

1 Bene Kolinto 15:15

Ciinda waawo ncakwaamba ayi twaba bakamboni babeshi pali Lesa mukwiinga twakaamba ayi ndushinisho Lesa wakabusha Klistu kuswa kubafu. Sombi na ncakwiila bafu teshi bakabuke, ingayi Lesa taakwe kubusha Klistu.

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

Bene Galatiya 2:6

Ono abo bakalinga kwiitwa ayi bamatanjilili (tacicite mulandu na bakalinga baani ceebo Lesa taasalululi), abo bamatanjilili mbomunya tabakwe kunungaawo ashimwi shakwaamba ayi njiishe.

Bene Galatiya 2:9

Mpeeke Jemusi, Pita aJoni, abo bakalinga kwiitwa ayi mbamatanjilili ba bashomi, bakashinisha ayi Lesa muluse lwakwe wakampa mulimo uyu. Kuswawaawo, bakacata Banabasi anebo mumaansa kutondesha bwanabwankashi bwesu. Twakanyumfwana ayi Banabasi anebo tusebensele kubaswamashi bakunsengwe, balo kubaJuda.

Bene Galatiya 3:4

Sa shoonse shintu shibotu shakamucitila Lesa taaku mboshibete? Nshintooshoma boobo.

Bene Galatiya 6:3

Ono na umwi kaalisumpula, sombi kakutaaku mbwaabete, ingayi utoolibecabo mwiine.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Bene Efeso 5:4

Tamweelete kwaamba shintu shilensha nsoni, shabuluya nabi shiteelete, sombi kamwaambabo makani akulumba Lesa.

Dutolonomi 11:16

Mutakalisuminishi kuyungoolwa kuswa kuMwaami Lesa akutalika kulambila balesa bamwi akubasebensela.

Bene Kolose 4:6

Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.

Jemusi 2:20

Webo omuntu muluya sa ulisuni kwishiba kwaamba ayi lushomo lutacite micito taaku mbolubete?

1 Pita 3:10

Kweelana abwaamba Malembo akwe Lesa ayi, “Uyo usuni kwikala buumi bubotu akukondwa munshiku sha buumi bwakwe, ulyeelete kucileka kwaamba shibiibi alimwi mulomo wakwe teshi ukaambe shabubeshi.