Jelemiya 9:25 - Baibo Busansulushi Bwa Libuku Ili

²⁵ Mwaami Lesa waamba ayi, “Ciindi cilaakushika ndyeshi nkape mulandu abo boonse bakapalulwa, sombi batanambili.

Jelemiya 9:25 Marejeleo ya Msalaba

Jelemiya 25:23

Ndakanwisha aba kuDedani, Tema, Busi aboonse abo bali mushishi sha kulaamfu,

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Jelemiya 49:32

“Ngamela shabo shilaakusaalwa, matanga oonse a shifubwa shabo alaakutolwa. Bantu abo bacesa mitwi palubasu ndaakubapalanganishisha kumbasu shoonse akubaletela mapensho kuswa kumbasu shoonse.

Esekelo 28:10

Ulaakufwa lufu lwa muntu utana kupalulwa mumaansa a baswamashi abo. Nebo neMwaami Lesa Shinkusu shoonse ndaamba.’ ”

Esekelo 31:18

“Anu ncisamunshi ca mumuunda wa Edeni ceenga ceelanishikwa andiwe kubulemu alimwi ankusu? Nakubi boobo, awebo ulaakubooshekwa kumusena wa bafu pantu pomwi ashisamu sha muEdeni. Ulaakufukilwa pantu pomwi abaabo batapalwitwe abo bakacailwa munkondo. Ici cilaakucitikila Falawo abantu bakwe boonse. Nebo neMwaami Lesa Shinkusu shoonse ndaamba.”

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Bene Lefi 19:27

“Kutacesa misusu ili mumbasu sha mutwi wanu nabi kuceeshako ndesu,

Bene Lefi 26:41

kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo,

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Bene Loma 2:28

Shoonse ishi shitoosansulula ayi muJuda wancinencine teshi wooyo uliboneshabo kubantu ayi ngumuJuda. Akwalo kupalulwa kwancinencine teshi kooko bantu nkobacita kumibili, sobwe.

Bene Loma 2:29

Anu muJuda wancinencine ngooyo muJuda mumoyo. Akwalo kupalulwa kwancinencine nkooko kwa mumoyo kucitikwa aMushimu Usalashi. Kupalulwa uku takucitwi ceebo muntu wacita bwaamba Milawo. Muntu wa mushobo wooyo umulumbaisha nguLesa, teshi bantu, sobwe.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”