Jelemiya 9:19 - Baibo Busansulushi Bwa Libuku Ili

¹⁹ Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Jelemiya 9:19 Marejeleo ya Msalaba

Isaya 32:9

Mwebo nobanakashi, ee, mwebo nomushiite buumi bubotu, amunkutike. Mwebo nobalutundu nomutacite cakulisukama, amukutike makani ngooncite!

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 2:14

“Sa Isilaeli ngumusebenshi? Sa ngumusha kuswabo kukushalwa kwakwe? Ino nceeboonshi waba cintu cakusaala kubalwani bakwe?

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Jelemiya 7:15

Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”

Jelemiya 7:19

Sa batookalasha ndime? Sa tabatooliletelabo mapensho beene alimwi akulilensha nsoni?

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Malilo 4:15

Bantu baloolobesha ayi, “Kamuya kooko! Tamusalalite! Kamuya kooko! Kamuya kooko! Mutatucaati!” Na baya ciingaila bantu ba mumishobo balacaala kabaamba ayi, “Tabakoonshi kutolelela kwikala aswebo kuno!”

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Esekelo 27:2

“Webo omuntu, imba lwiimbo lwa malilo pacishi ca Taya.

Bene Lefi 18:25

Micito ya mushobo uyo yakalengesha cishi ico citanoosalalite kweelana aMilawo. Paceebo ceeci, nebo neMwaami Lesa ndakacipa mulandu, akucilengesha ayi cikake bantu bakalinga kwikalaamo.

Bene Lefi 18:28

Ono na mucilengeshe kutanoosalalite kweelana aMilawo, amwebo cilaakumukaka bweenka mbocakakaka baabo bakalinga kwikalaamo.

Bene Lefi 20:22

“Kamulama milawo yangu yoonse amilasho kwaamba ayi cishi ca Kenani ico ncentoomutolaako citakamukaki.

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Dutolonomi 28:29

Mwebo mulaakunooshibashiba anga ngumoofu lumwilubala. Mulaakunookwaalilwa kwishiba nkomutooya alimwi teshi mukaswitilile mushintu shoonse nsheshi mukanoocita. Lyoonse mulaakunoonyengelelwa alimwi akwiipilwa, sombi taaku eshi akamufuune.