Jelemiya 9:16 - Baibo Busansulushi Bwa Libuku Ili

¹⁶ Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”

Jelemiya 9:16 Marejeleo ya Msalaba

Neyemiya 1:8

“Amwiibaluke mulasho ngomwakapa Mose musebenshi wanu wakwaamba ayi, ‘Na mukabule kushomeka kuli ndime, ndaakumupalanganishisha pakati ka mishobo imwi.

Kulumbaisha 106:27

bamulunyungu babo balaakufwita pakati ka mishobo imwi, akupalanganishilwa mushishi sheensu.

Shikushimikila 12:5

Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Jelemiya 13:24

Mwaami Lesa waamba ayi, “Ndaakumupalanganyabo anga mbuungu boolulushikwa kumuuwo wa muluyanga.

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 25:27

“Kuswawaawo ukabaambile ayi nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Amunwe, mukolwe, mulilukaanine akuwita limwi cakutabukawo ceebo ndaakutuma nkondo pakati kanu.’

Jelemiya 29:17

Ee, Mwaami Lesa Shinkusu shoonse waamba ayi, ‘Ndaakubatumina nkondo, nsala amwaalu alimwi ndaakubalengesha kuba anga ninkuyu shibiibi cakutalikwa.

Jelemiya 44:27

Nebo ndimulabilite kumucitila shintu shibiibi kuteshi shibotu, sobwe. Mwebo nobaJuda nomuli muIjipiti mulaakuloba kunkondo akunsala kushikila noonse mukanyonyooke.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Esekelo 12:15

“Ndaakumana kubatandila pakati ka mishobo imwi akubapalanganishisha mushishi shimwi, ndyeshi bakeshibe ayi nebo ndi Mwaami Lesa.

Esekelo 14:17

“Nabi na ndaleta nkondo mucishi ico akwaamba ayi, ‘Mupeeni awiinde mucishi coonse,’ akucaya bantu ba mumo alimwi ashifubwa shabo

Esekelo 20:23

Paceebo ceeco, ndakashomesha cakulumbila alimwi kuli mbabo kaantambikite lyaansa mwiculu kabali muluyanga kwaamba ayi ndaakubatandila pakati ka mishobo ya mucishi ca panshi coonse.

Esekelo 27:2

“Webo omuntu, imba lwiimbo lwa malilo pacishi ca Taya.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Esekelo 5:2

Nshiku shako shakulwana ndabala ya Jelusalemu shaakwiinda, ukateente cipansha comwi mumulilo mundabala. Kuswawaawo ukabwese cipansha cimwi akucitimboola amupeeni kushinguluka ndabala yoonse. Cipansha cakweelaako ukacuululushe amuuwo ceebo ndaakubatandaanya amupeeni.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Amosi 5:16

Mwaami Lesa Shinkusu shoonse waamba ayi, “Mulaakuba kulila mumikwakwa yoonse akulila cakupenga mumisena mucanika bantu baanji. Balimi balaakwiitikwa ayi balilile pantu pomwi abaabo balipilwa maali.

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

Dutolonomi 28:36

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.