Jelemiya 9:12 - Baibo Busansulushi Bwa Libuku Ili

¹² Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”

Jelemiya 9:12 Marejeleo ya Msalaba

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Kulumbaisha 107:43

Muntu woonse musongo aanyumfwe shintu ishi akuyeeya palusuno lwa Mwaami Lesa lutamaani.

Isaya 42:23

Ngani pakati kanu weshi akakutike maswi aya? Ee, ngani weshi akakutike kunembo litoosa?

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Jelemiya 9:20

Mpeeke ndabaambila ayi, “Mwebo nobanakashi, amunyumfwe maswi a Mwaami Lesa. Amunyumfwe maswi ngaatokwaamba. Amwiishe bana banu banakashi kulila cakooloma. Amwiishanye nyimbo shamalila.

Esekelo 14:23

Ulaakusumina waakubona mibo amicito yabo ibiibi ceebo cakwishiba kwaamba ayi anu nshikwe kubafumbukabo pakubapa mulandu. Nebo neMwaami Lesa Shinkusu shoonse ndaamba.”

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Osiya 4:10

Mulaakunoolya shipansha shanu sha milambu, sombi teshi mukanookuta. Mulaakulambila balesa banshalo, sombi teshi mukanooshalaawo mukwiinga mwafutatila ndime neMwaami Lesa akukonkela balesa bamwi.”

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Sefaniya 3:6

Mwaami Lesa waamba ayi, “Ndanyonyoola mishobo imwi ya bantu. Ndapwayoola shiyubilo shabo shiyumu. Ndashiya mikwakwa yabo kaayumwitebo, ee, taaku muntu nabi womwi wiindaamo. Ndanyonyoola mandabala abo. Taamu muntu nabi womwi wacaalaamo.

Mateyo 24:15

“Aboobo, na mukabone Cintu cilya Ciloondesha ico ncaakaamba mulaluki mukulukulu Danyelo, kaciimfwi paMusena Usalalite (utoobelenga anyumfwishishe),

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Ciyubululo 1:3

Ulicite coolwe uyo ubelenga libuku ili. Balicite coolwe abalo banyumfwa makani aya a bulaluki ubu alimwi akunyumfwila shilembetwe mulibuku ili. Balicite coolwe mukwiinga ciindi cakwaamba ayi shicitike shintu ishi, cili pafwaafwi.