Jelemiya 9:10 - Baibo Busansulushi Bwa Libuku Ili

¹⁰ Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Jelemiya 9:10 Marejeleo ya Msalaba

Isaya 41:15

“Ndaakumulengesha kuba anga ncileyi cipya cakulupwishako witi ico cicite meeno apya alimwi akolete. Mulaakulupula tulundu akutunyonyoola. Ncakwiila tulaakuboolabo anga ndusuko.

Isaya 49:19

“Cishi canu cakalinga canyonyooka alimwi calinga mumatongo. Sombi baakwisa bene mishaanu abo, cishi ico cilaakuceyabo kulaale kwaamba ayi bekaleemo. Lyalo abo bakalinga banyonyoola cishi canu balaakutombwetwabo kulaale.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Jelemiya 12:11

Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Jelemiya 14:6

Mbongolo sha muluundu ashalo shiliimfwi peculu lya tulundu tutacite bwiisu akunoofoomashikabo anga mbaumpe. Caala akulasha kabotu ceebo cakubula shakulya.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Jelemiya 50:3

“Mushobo wa kumatwa ulaakubalwana akunyonyoola cishi cabo. Taaku muntu weshi akekaleemo, bantu alimwi abanyama boonse balaakucicaamo.”

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Malilo 5:18

ceebo Kalundu ka Siyoni kacaalabo mumatongo, ncakwiila bamwaaba batokwiindaanabo mumatongo a nkako.

Esekelo 14:15

“Nabi na ndatuma banyama bamuluundu mucishi ico mukucaya bantu boonse akucilengesha kubula wikalaamo alimwi awiindaamo ceebo ca banyama,

Esekelo 27:2

“Webo omuntu, imba lwiimbo lwa malilo pacishi ca Taya.

Esekelo 29:11

Taaku muntu nabi munyama weshi akeendemo tubili. Taaku ceshi cikekaaleemo kwamyaaka makumi one.

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:19

NoBaami baLesa, ndamulilila! Lumwi lwatenta mafulo anga ngumulilo ukali. Ashalo shisamu shapya abuumbi kulumwi.

Amosi 5:1

Nobene Isilaeli amunyumfwe lwiimbo lwangu lwakulila pali ndimwe.

Amosi 5:16

Mwaami Lesa Shinkusu shoonse waamba ayi, “Mulaakuba kulila mumikwakwa yoonse akulila cakupenga mumisena mucanika bantu baanji. Balimi balaakwiitikwa ayi balilile pantu pomwi abaabo balipilwa maali.

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.