Jelemiya 8:22 - Baibo Busansulushi Bwa Libuku Ili

²² Sa taamu musamu wakushilikisha muGilyadi? Sa taaku shikushilika kulya? Ino ceebonshi shilonda sha bantu bangu tashitooshilikwa?

Jelemiya 8:22 Marejeleo ya Msalaba

Matalikilo 37:25

Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule.

Matalikilo 43:11

Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi.

Jelemiya 14:19

NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 46:11

“Kamuya kuGilyadi mukalete musamu, mwebo nobene Ijipiti Mutoobunjikabo misamu itacite ncito ceebo taaku ceshi cikamushilikeewo, sobwe.

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

Jelemiya 6:7

Bweenka mukalo mboopoomona maanshi, mbweeke ubo ndabala iyo mboipoomona bubi bwa njiyo. Shalunkutwe akunyonyooka nsheshinyumfwika lyoonse muli njiyo. Ono malwashi ashilonda sha njiyo ndashibona lyoonsebo.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 2:13

Anu ŋambe ayinshi pali ndiwe? Anu nkweelanyewo anshi webo ondabala inene ya Jelusalemu? Ino nkucite buyani kwaamba ayi nkuumbulushe, webo ondabala ya Siyoni? Cilonda cako ncinene bweenka mbuli lweenge. Ino ngani weenga wacishilika?

Esekelo 27:17

“ ‘Bene Juda abene Isilaeli bakalinga kucita makwebo andiwe. Balo bakalinga kuleta witi kuswa kuMiniti, shinkwa wamise, buuci, mafuta a olifi alimwi atununkila kabotu mubuyani mukushintana amakwebo ako.

Shakubelenga 32:1

Ono mukowa wakwe Lubeni awakwe Gadi yakalinga kucite shifubwa shiinji abuumbi. Ono ndibakabona cishi ca Jasa aca Gilyadi ncibotu kushifubwa,

Luka 8:43

Pakalinga mwanakashi umwi wakalinga kuciswa mukunko myaaka likumi ayobilo. Wakamanisha buboni bwakwe boonse mubashiliki, sombi taaku muntu nabi womwi wakakonsha kumushilika.