Jelemiya 8:14 - Baibo Busansulushi Bwa Libuku Ili

¹⁴ Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Jelemiya 8:14 Marejeleo ya Msalaba

2 Samwelo 20:6

Mpeeke mwaami Defedi wakaambila Abishayi ayi, “Ono Sheba mwanaakwe Bikili utokwiindaawo kutupensha pali Abusalomu. Bwesa bashilumamba bangu umukonkele. Kwabula boobo atooya acane mandabala anene acite malinga, lyalo utootulobokelabo limwi.”

Kulumbaisha 39:2

Nebo ndakalinga kunokuumwite cakutaambaawo nabi comwi. Nakubi boobo mapensho angu akeendaawo kufula.

Kulumbaisha 69:21

Ndindakafwa nsala, bakampa shilula, Ndindakafwa nyotwa bakampa waini usasite.

Isaya 47:5

Mwaami Lesa utookwaambila Babiloni ayi, “Kalabo tontolo, uye mumunshinshe. Camana bulya! Teshi ukeetweewo tubili ayi mwaami mwanakashi wa mishobo yoonse.

Jelemiya 14:20

Nobaami baLesa, twalyaambilila shibiibi shesu ashibiibi sha bamashali besu bakulukulu. Ncakwiila twakamubishisha.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 23:15

Paceebo ceeco, pabalaluki Mwaami Lesa Shinkusu shoonse waamba ayi, “Ndaakubalengesha kulya shakulya shilula akunwa maanshi acite shikola ceebo kuswa kubalaluki bene Jelusalemu, kutalemeka Lesa kwayambukila bantu mucishi coonse.”

Jelemiya 3:25

Atoone panshi kunsoni akuleka ayi shitucaaye. Twakabishisha Mwaami Lesa, Lesa wesu, swebo pantu pomwi abamashali besu bakulukulu. Kuswa kubwanike bwesu kushika sunu tatunyumfwiliiwo Mwaami Lesa, Lesa wesu, napaceyi.”

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 9:14

Sombi balo bakakonkela myoyo yabo iyumu mukulambila Baali kweelana abwakabeeisha bamashali babo bakulukulu.

Jelemiya 9:15

Paceebo ceeco, nebo neMwaami Lesa, Shinkusu shoonse, Lesa wa bene Isilaeli ndaamba ayi, ‘Amubone, ndaakulengesha bantu aba kulya shakulya shilula akunwa maanshi akola.

Malilo 3:19

Nciyeeya mapensho angu akwiingaila kwangu, ee, mapensho alulabo anga nindulwe.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Amosi 6:10

Na shikamukowa weelete kutenta mituntu yabo akese mukwiikushaamo akwiipusha uyo eshi akacaale muŋanda ayi, “Sa kuli ngomuli akwe aumwi muno?” Alakwe akakumbule ayi, “Taamuuwo.” Lyalo ulaakwaamba ayi, “Ashii! Tuteeleshi napaceyi kubanda liina lya Mwaami Lesa.”

Abakuku 2:20

Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Mateyo 27:34

Uko Jesu bakamupa waini usenkene andulwe ayi anwe, sombi ndyaakanyumfwaamo, wakakaka.

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Dutolonomi 32:32

Balwani babo mbeshikubisha anga mbene Sodoma aGomola, bali anga njiminyansa icata shisepo shilula alimwi shikola,