Jelemiya 8:13 - Baibo Busansulushi Bwa Libuku Ili

¹³ Mwaami Lesa waamba ayi, “Ndaakubanyaya butebushi bwabo. Teshi kukabewo minyansa kushisamu sha minyansa. Kushisamu sha nkuyu teshi kukabewo nkuyu amatewu a nshisho alaakuyuma. Isho nshendakabapa shoonse balaakunyaikwa.”

Jelemiya 8:13 Marejeleo ya Msalaba

Isaya 5:10

Ceebo muunda wa minyansa ukwana maekele likumi ulaakukushabo malita osanwe aotatwe a waini. Pashangwa malita ali 180 a mbuto, pakutebula nkusushabo malita ali 18 a shili anga ngamaila.”

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Jelemiya 14:15

Paceebo ceeco Nebo neMwaami Lesa, pabalaluki abo balalukila muliina lyangu, ntokwaamba ayi, ‘Nshikwe kubatumaawo nabi batokwaamba ayi taaku nkondo nabi nsala yeshi ikashike mucishi cino.’ Balaluki mbomunya abo balaakuloba munkondo ansala.

Jelemiya 17:8

Lakwe ulaakubabo anga ncisamu cishangitwe kufwaafwi amaanshi, cisamu citola miyanda mukalonga. Taciyumiwo nabi cilimo. Matewu a ncico alatontola ciindi coonse. Mumwaaka wa cilanga calo tacipengiiwo alimwi calo cilacatabo lyoonse shisepo.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Esekelo 22:31

Paceebo ceeco ndaakubatila bukali bwangu buyoosha akubanyonyoola kuceeselela ca bukali bwangu ceebo ca sheesho nshebakacita beene beenka. Nebo neMwaami Lesa Shinkusu shoonse ndaamba.’ ”

Osiya 2:12

Ndaakunyonyoola minyansa yabo ashisamu shabo sha nkuyu isho nshebakalinga kwaamba ayi ncilambu cabo kuswa kubasunikwi babo. Ndaakusandula myuunda yabo ya minyansa aya shisamu sha shisepo shimwi kuba luundu lushinkite alimwi banyama bamuluundu balaakwiinyonyoola.

Jowelo 1:7

Canyonyoola shisamu shesu sha minyansa akulya shisamu shesu sha nkuyu. Shalya mapapu oonse a shisamu shesu sha minyansa kushikila misampi yoonse yacaalabo tuu.

Bene Lefi 26:20

Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

Agayi 1:11

Ndaleeta cilanga pacishi canu, mutulundu, mumyuunda ya shili anga ngamaila, mumyuunda ya minyansa, mumyuunda ya shisamu sha maolifi, pasheesho shoonse shimena mubulongo, pabantu abanyama boonse alimwi apashintu shoonse nshemulima.”

Agayi 2:17

Ndakanyonyoola milimo yanu ndindakayumya shishango shanu mukutuma muuwo uyoosha amfuula ya mabwe, sombi mwebo tamukwe kusanduka kuswa kushibiibi shanu.

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.