Jelemiya 6:26 - Baibo Busansulushi Bwa Libuku Ili

²⁶ Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Jelemiya 6:26 Marejeleo ya Msalaba

Matalikilo 21:16

akwikala palaamfuuko bulya, mpashi mushinso wa ntaamwa mwaanda. Wakalyaamboosha ayi, “Nshikoonshi kubona patoofwita mwanaangu.” Mpomunyaawo wakatalika kulila apo mpwaakalinga kushiite.

Jobo 15:21

Matwi akwe ngeshi kunyumfwabo maswi ayoosha. Peenka mpaabonena ayi waba muluumuno, bapambi nkumutuula.

Jobo 2:8

Mpeeke Jobo wakaya mukukalila kuntantaala akubwesa cikaye cakulikwanyishako shilonda.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 30:13

cibiibi canu ici cilaakumubeta anga ndubumbu lulaamfu lucite mwaansha utooya cilakamuka. Lubumbu ulo lulawa cakufwambaana alimwi cakuteengashila.

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 15:8

Ndaakulengesha bamukalubinje banu kufula kwiinda museese wa muloombe lwa lweenge. Lisuba kalili pakati ka mutwi, ndaakucaya bacikula bwangu basankwa akulengesha bamanyinawabo kupenga. Cakuteengashila ndaakubaletela buumba aboowa.

Jelemiya 18:22

Mibila ainyumfwike mumaandaabo mwaakubatumina beshikubalwana cakuteengashila, mukwiinga balo bankabila cilindi ayi ngwiteemo. akuteya toose ayi bancatishe kumyeendo.

Jelemiya 30:5

“Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Jelemiya 4:11

Paciindi ici bene Jelusalemu balaakwaambilwa ayi, “Muuwo ukasaala utoopupa kuswa patulundu tulaamfu tutacite bwiisu twa muluyanga kululama bantu bangu. Teshi muuwo wakupupulushishaako nabi kusalasha, sobwe.

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Jelemiya 8:21

Ono bene misheesu mbobapwayoolwa, anebo ndapwayoolwa. Ndalila alimwi boowa bwancata.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Malilo 3:16

Wakatyoloola meeno angu kumabwe alimwi akundyatoola mulusuko.

Malilo 3:48

Mumeenso angu mutookunkabo minsonshi, ceebo bene misheesu bamana kunyonyoolwa.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Malilo 4:3

Nabi bamwaaba balayamwisha bana babo, sombi bantu bangu baba amyoyo ibiibi anga nintibatiba muluyanga.

Malilo 4:6

Mulandu wakapekwa bantu bangu wakeenda wooyo wakapekwa Sodoma, ndabala iyo yakanyonyoolwa cakufwambaana, ncakwiila kwakubula awiifunaako.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Jona 3:6

Mwaami wa kuNinife ndyaakanyumfwa cikani ici, wakanyamuka pacuuna cakwe cabwaami, wafuula cakufwala cabwaami, walifweka masaka alimwi akwikala mumilota.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Luka 7:12

Jesu ndyaakashikabo kufwaafwi amwinjililo wa ndabala, wakakumanya beshicililo kabayumwite lufu. Uyo musankwa mufu wakalinga ngomwaana eenkabo kuli banyina bamukalubinje. Bantu baanji ba mundabala iyo bakalinga amukalubinje uyo.

Jemusi 4:9

Amuungumane, mulile buumpute amibila, kuseka kwanu mukwaalule kulila akwalo kusangalala kwanu mukwaalule buumba!

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.