Jelemiya 6:25 - Baibo Busansulushi Bwa Libuku Ili

²⁵ Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”

Jelemiya 6:25 Marejeleo ya Msalaba

2 Makani 15:5

Ciindi ico tekwakalinga muntu wakalinga kweenda muluumuno mukwiinga kwakalinga mapensho ashimfulunganya mushishi shoonse.

Jobo 18:11

“Shiyoosha shitoomulindila kumbasu shoonse. Shilamukonkela kuli koonse nkweenga waya.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 30:5

“Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Jelemiya 4:10

Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 49:29

Matente amatanga ashifubwa abo shilaakutolwa, shisani shakushitilishisha matente shabo shilaakutolelwa pantu pomwi abuboni bwabo boonse alimwi angamela. Bantu balaakuboolobesha ayi, ‘Shiloondesha shilibo kumbasu shoonse!’ ”

Jelemiya 49:5

Nebo neMwaami Lesa Shinkusu shoonse ndaakumuletela shiyoosha kuswa kumbasu shoonse. Noonsebo mulaakutandaanishikwa, cakwaamba ayi taakuuwo aweshi akabunganye tubili abo beshi bakacice.

Jelemiya 8:14

Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Jelemiya 8:15

Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa shiloondesha.

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Esekelo 21:17

Anebo ntookamba mapaka angu, lyalo bukali bwangu buyoosha butoomana. Nebo neMwaami Lesa ndaamba.”

Esekelo 7:18

Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.

Luka 19:43

Ciindi cilaakushika balwani bako ndyeshi bakashingulushe lilinga akukushinkila koonse koonse ayi ubule pakucicila.