Jelemiya 6:23 - Baibo Busansulushi Bwa Libuku Ili

²³ Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Jelemiya 6:23 Marejeleo ya Msalaba

Isaya 10:32

Sunu balwani batooya mukwiimikana kuNobu. Sunu kalundu ka Siyoni, ee, ka Jelusalemu batookafungila makoofi.

Isaya 13:18

Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Isaya 17:12

Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Jelemiya 25:32

Mwaami Lesa Shinkusu shoonse waamba ayi, “Amulange! Mapensho atooya cimwaikabo kuswa kumushobo amushobo. Cipuupu cinene caswita kweela cishi ca panshi.”

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 4:16

Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.

Jelemiya 4:29

Ono baakunyufwabo ciyobeyobe ca bashilumamba balwanina pamaaki abeshimata, bantu mumandabala oonse balaakucica. Bamwi balaakucicila muluundu, bamwi balaakulityaanisha pakati ka myaandami. Mandabala oonse alaakubula amuntu ukalaamo. Taaku muntu nabi womwi weshi akekalemo tubili.

Jelemiya 5:16

Mifwi ya mushipokolo shabo ilacaya bantu baanji baanji. Bashilumamba abo boonse mbayumu abuumbi.

Jelemiya 50:41

“Amubone! Likoto lya bashilumamba lyaashika kuswa kumatwa. Mushobo unene abamaami baanji bacite nkusu basonkomonwa kweela cishi ca panshi.

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 6:4

Balaakwaamba ayi, “Amulibambile kulwana andabala ya Jelusalemu! Amunyamuke tuye tulwane malumwi!” Kuswawaawo balaakwaamba ayi, “Maawe, lisuba lyepila kale, shimfule sha macolesha shatalika kulaampa.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.