Jelemiya 6:17 - Baibo Busansulushi Bwa Libuku Ili

¹⁷ “Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Jelemiya 6:17 Marejeleo ya Msalaba

Isaya 21:11

Aya ngamaswi aamba pacishi ca Edomu. Umwi muntu kuswa kuEdomu utokoolobesha kuli ndime ayi, “Oshikulindilila, mashiku atoomana lili? Oshikulindilila, mashiku atokwiinda lili?”

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Isaya 62:6

Webo Jelusalemu, pamumbu shako ndabikaawo beshikulindilila. Teshi bakoomuneewo mashiku amalumwi. Mwebo nomwiibalusha Lesa pasheesho nshaakashomesha, amutolelele cakutookesha.

Jelemiya 18:12

Sombi balo balaakukumbula ayi, ‘Tacicite mulandu. Tutootolelela amiyeeyo yesu sobeene. Womwi awomwi unanookonkela bushicimpamya bwa moyo wakwe ubiibi.’ ”

Jelemiya 25:4

“Nakubi kwaamba ayi Mwaami Lesa wakatuma basebenshi bakwe balaluki mankanda aanji aanji kuli ndimwe, mwebo tamukwe kunyumfwila nabi kubikako maano.

Jelemiya 6:18

“Paceebo ceeco nebo neMwaami Lesa ndaamba ayi, ‘Amunyumfwe mwebo nomishobo ya bantu. Amulangilishe mwebo nobakamboni isho sheshi shikacitike kubantu bangu.

Jelemiya 7:28

Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Abakuku 2:1

Nebo neAbakuku ndaakwiimikana anga ngushikulindilila paŋanda ilaamfu yakusompelaawo. Ndaakunoolindila kunyumfwa Mwaami Lesa nsheshi akandwiite ayi ŋambe akukumbula kwakwe pamatongooshi ngooncite.

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Sekaliya 7:11

“Sombi bantu bangu bakakaka kunyumfwa. Ncakwiila bakacala matwi abo

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.