Jelemiya 6:16 - Baibo Busansulushi Bwa Libuku Ili

¹⁶ Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Jelemiya 6:16 Marejeleo ya Msalaba

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

2 Makani 19:11

Amaliya mupailishi munene ngweshi akanoomweendelesha mukoombolosha milandu ikumya kuMwaami Lesa, alakwe Sebadiya mwanaakwe Ishimaeli, mweendeleshi wa bene Juda ulaakunoomweendelesha mukoombolosha milandu ikumya kumwaami wanu. Bene Lefi balo balicite mulimo wakubona ayi shintu shaambwa munkuta shitokweenda kabotu. Kamucita shintu cakubula boowa akucita kweelana amilasho iyi. Mwaami Lesa aabe abaabo bacita shiluleme!”

Kulumbaisha 116:7

Omoyo wangu kala panshi akootobala, ceebo Mwaami Lesa ulancitila shibotu.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 28:12

Ceebo ngondimwe ngwaakaambila ayi, “Anooyu musena wakookesheshaamo, abo balemete abese bookeshe mumusena uyu.” Sombi mwebo mwakakaka kumunyumfwila.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.

Isaya 57:2

Abo bekala buumi bubotu balenjila muluumuno. Kufwa kwabo kulaba nkoona ayi bookeshe.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 18:12

Sombi balo balaakukumbula ayi, ‘Tacicite mulandu. Tutootolelela amiyeeyo yesu sobeene. Womwi awomwi unanookonkela bushicimpamya bwa moyo wakwe ubiibi.’ ”

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:25

Utacici kushikila shimpanta shako shikamaninine mukati akuyuma panshingo kunyotwa. Sombi webo ulaamba ayi, ‘Tacicite mulandu. Nebo ndisuni balesa beensu, aboobo ndyeelete kubakonkela.’ ”

Jelemiya 22:21

Ndakamucenjesha ndyemwatakalinga kucite cakulisukama, sombi mwebo mwakaamba ayi, “Swebo twakaaka.” Ubo mbobuumi bwanu kuswabo kale kale, ncakwiila tamunyumfwiliiwo napaceyi.

Jelemiya 31:21

“Amushimpike twishibilo munshila, mulabilile nshila njemutokwiindaamo. Amupiluke mwebo nobene Isilaeli, amupiluke kumandabalaanu ngomwakashiya.

Jelemiya 42:3

Amupaile ayi Mwaami Lesa, Lesa wanu atulwiite nkotweelete kuya ancotweelete kucita.”

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Jelemiya 7:3

Amuleke nshila shanu amicito yanu ibiibi. Lyalo ndaakumuleka ayi mwikale mumusena uno.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Luka 16:29

Sombi Abulaamu wakaamba ayi, ‘Abo balicite mabuku akalemba Mose abalaluki bakulukulu bamwi. Balyeelete kukonkela shilembetweemo.’

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Bene Loma 4:12

Ngoishiwabo abo bakapalulwa abalo. Teshi ceebo cakupalulwa ceenka, sombi bali amunshila ya lushomo iyo yakalinga kwikalamo ishiwesu Abulaamu kaatana kupalulwa.

Dutolonomi 32:7

“Amwiibaluke nshiku shakalekale, muyeeye mashalane akulukulu. Mukeepushe bamaishiwanu bakamulwiite, mukeepushe bamanene bakamusansulwite.

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

Bene Ebulu 11:2

Ceebo ca lushomo lwa bamashali besu bakulukulu, Lesa wakakondwa muli mbabo.

Bene Ebulu 6:12

Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.

Boomboloshi 2:17

Sombi balo tabakwe kunyumfwila boomboloshi abo. Bene Isilaeli bakacileka kushomeka kuMwaami Lesa mukulambila balesa beensu. Bamashali babo bakulukulu bakalinga kukonkela akunyumfwila milawo ya mwaami Lesa. Sombi balo bakaalilwa kucita boobo.