Jelemiya 6:13 - Baibo Busansulushi Bwa Libuku Ili

¹³ Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 6:13 Marejeleo ya Msalaba

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Jelemiya 2:26

Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.

Jelemiya 2:29

Ono Mwaami Lesa waamba ayi, “Ceebonshi mutoompa milandu? Sa te noonsebo mwakangashukila?

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Jelemiya 23:11

Mwaami Lesa waamba ayi, “Balaluki alimwi abapailishi tabakonkeli nebo neLesa. Ncakwiila nabibo muŊanda yangu ndabacanikisha kabacita bubi.

Jelemiya 27:15

Mwaami Lesa wakaamba ayi, ‘Nshikwe kubatuma, sobwe. Batoolaluka shabubeshi muliina lyangu. Paceebo ceeco, ndaakumutanda, mukaloobe mwebo pantu pomwi abalaluki abo bamulalukila shabubeshi.’ ”

Jelemiya 32:32

ceebo ca shibiibi shoonse isho shakacita bene Juda abene Jelusalemu pantu pomwi abamaami babo alimwi abamatanjilili babo, bapailishi babo alimwi abalaluki.

Jelemiya 42:1

Mpomunyaawo bamatanjilili ba makoto a bashilumamba boonse, kubikaawo aJoanani mwanaakwe Kaleya aJesaniya mwanaakwe Oshaya pantu pomwi abantu boonse, nkokwaamba ayi bantu bataaku mbobabete kuya mukushika akubaabo balemekwa bakanyendela nebo neJelemiya.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Malilo 4:13

Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Mika 3:5

Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.