Jelemiya 6:10 - Baibo Busansulushi Bwa Libuku Ili

¹⁰ Mpomunyaawo ndakakumbula ayi, “Ngani ngweshi ŋambile akucenjesha? Ino ngani weenga wankutika? Matwi abo akashinkwa, aboobo tabakoonshi kunyumfwa. Maswi anu noBaami baLesa alabacima aboobo tabasangalalilimo, sobwe.

Jelemiya 6:10 Marejeleo ya Msalaba

Kulumbaisha 1:2

Sombi lakwe ulacana kusangalala mukukonkela Milawo yakwe Lesa, alimwi muMilawo iyo ulayeeyaamo mashiku amalumwi.

Kulumbaisha 119:16

Ndasangalalila mumilasho yanu, ee, teshi nkasuulewo maswi anu.

Kulumbaisha 119:174

Nobaami baLesa, ntoolangilabo lupulusho lwanu. Ncakwiila milawo yanu ilansangalasha.

Kulumbaisha 119:24

Ndasangalalilabo mukwiisha kwanu, ee, kwiisha kwanu nkokumpa maano.

Kulumbaisha 119:35

Muntanjilile kwaamba ayi nkonkele milawo yanu, ceebo muli njiyo mooncana kusangalala.

Kulumbaisha 119:70

Bantu ba mushobo uyo mbayumu myoyo alimwi tabanyumfwi, sombi nebo ndakondwa mumilawo yanu.

Kulumbaisha 119:77

Amumfwite nkumbu kwaamba ayi noocibukila buumi ceebo ndakondwa abuumbi mumilawo yanu.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Kulonga 6:12

Sombi Mose wakakumbula ayi, “Ono na bene Isilaeli tabakwe kunyumfwila, ino lakwe mwaami Falawo inga wanyumfwila buyani? Nebo ndi muntu utaambi kabotu.”

Isaya 42:20

Mwakabona shintu shiinji, sombi tamubikiiko amaano. Matwi alo ncakwiila mulicite, sombi taaku ncemwakanyumfwishishaawo.”

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Jelemiya 9:26

Nkokwaamba ayi bene Ijipiti, Juda, Edomu, Amoni, Moabu abaabo boonse bekala muluyanga kulaale. Ndaakucita boobo ceebo mishobo iyi yoonse teenyumfwili ndime. Abalo bene Isilaeli boonse tabashomeki kucipangano cangu.”

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Esekelo 33:3

Shikulindilila uyo na wabona balwani kabesa, ulalisha lupeenga kucenjesha bantu.

Esekelo 33:9

Sombi na wamucenjesha mucita shibi, ono wabula kusanduka kuswa kububi bwakwe nabi kunshila shakwe shibiibi, ulaakufwa ceebo ca shibiibi shakwe, sombi webo ulaakupulusha buumi bwako.”

Amosi 7:10

Amasiya mupailishi wa kuBetelo wakalalukila Jeloboamu mwaami wa bene Isilaeli ayi, “Amosi utoopinga kumubukila pakati ka bantu boonse. Nshaatokwaamba shitoonyonyoola cishi ici coonse.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Luka 11:45

Mpeeke mufundishi wa Milawo umwi wakamukumbula ayi, “NoBafundishi, mukwaamba boobo aswebo mwatucobola.”

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

Joni 7:7

Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

Joni 9:40

BaFalisi bamwi abo mbaakalingaabo ndibakanyumfwa boobo, bakeepusha ayi, “Sa aswebo tuli boofu?”

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Bene Loma 7:22

Ndakondwa amoyo wangu woonse ceebo ca Milawo iswa kuli Lesa.

Dutolonomi 29:4

Sombi abobulya sunu, taana kumulengesha ayi mwishibishishe nabi kunyumfwishisha sheesho nshemwakabona.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.