Biblia Todo Logo
Biblia ya mtandaoni

- Matangazo -




Jelemiya 51:51 - Baibo Busansulushi Bwa Libuku Ili

51 Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Tazama sura Nakili




Jelemiya 51:51
37 Marejeleo ya Msalaba  

Balwani bangu abalenshekwe nsoni, ee, nsoni shibafwekeleshe anga ncakufwala.


Abo basuni kuncaya abalobelele munsoni shabo. Ee, abo basuni kuncisa abanyonyooke cakusebaana akushibulukwa.


NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.


Amuboosheshe mishobo imwi shishole mankanda osanwe aobilo, ceebo ca matushi ngobakalinga kumutukana noBaami baLesa.


Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.


NoBaami baLesa, mutootola nciindi cilaamfu buyani kamulishisa? Ino citooba ciindi cilaamfu buyani bukali bwanu kabunyaka anga ngumulilo?


Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.


Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.


Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.


Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.


Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.


bamaami boonse ba kumatwa abo bali pafwaafwi akulaamfu, womwi womwi, nkokwaamba ayi bwaami boonse bwa mucishi ca panshi. Pesule lya kunwa boonse alakwe mwaami wa kuBabiloni ulaakunwa.


Pesule lya kupambuka, twakaboola munshila alimwi. Nditwakeshiba ayi twaluba twakalyuuma mucaamba. Twakanyumfwa nsoni akulisenda ceebo cakubisha kwesu kwakuswabo kubwanike.’


Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.


Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.


NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?


NoBaami baLesa, amwiibaluke ico cacitika kuli ndiswe. Amulangilishe mbotwasebaana.


‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.


Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.


Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.


Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.


Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.


Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”


Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”


Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.


Tufuate:

Matangazo


Matangazo