Jelemiya 51:43 - Baibo Busansulushi Bwa Libuku Ili

⁴³ Mandabala a mumo alaakuba matongo. Ncakwiila cishi ico cilaakuba matongo, cishi ciyumu nta akuba luyanga. Taaku muntu weshi akanookalaamo alimwi teshi mukanokwiinda muntu nabi womwi.

Jelemiya 51:43 Marejeleo ya Msalaba

Kulumbaisha 46:8

Kamwisa mubone Mwaami Lesa nshaakacita, ee, mubone shintu shikankamika nshaakacita pacishi ca panshi.

Isaya 13:20

Taaku muntu nabi womwi weshi akekaleemo tubili. Taaku muAlabu shikwiingooka nabi womwi weshi akayakemo musumba alimwi taaku mweembeshi nabi womwi weshi akeembeleleemo mbelele shakwe umo.

Isaya 34:13

Mushiyubilo shabo sha nkondo mulaakwisulabo shisamu sha myuumfwa. Mumandabala abo acite malinga mulaakumena tukoloŋonso. Ncakwiila cishi cabo cilaakubabo musena wa bamwaaba akubabo maanda a bamwiina.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Jelemiya 50:12

Paceebo ceeco ndabala yanu inene ilaakunyumfwa nsoni. Musena uyo momwakashalilwa ulaakusebaanishikwa. Bene Babiloni balaakuba mushobo uniini kwiinda imwi yoonse. Cishi cabo cilaakuba luyanga, ee, cishi ciyumu alimwi citacite acimenaamo.

Jelemiya 51:29

Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 51:62

Kuswawaawo ukapaile ayi, ‘NoBaami baLesa, mwakaamba ayi mulaakunyonyoola musena uno akuulengesha ayi kubule muntu nabi munyama wikalaamo tubili. Sombi ayi ulaakuba matongo kwalyoonse alyoonse.’