Jelemiya 51:35 - Baibo Busansulushi Bwa Libuku Ili

³⁵ Bantu bekala kuSiyoni baamba ayi, “Bene Babiloni abapekwe mulandu palunkutwe ndobakacita pali ndiswe.” Bene Jelusalemu baamba ayi, “Bulowa bwesu abutikile pabaabo bekala muBabiloni.”

Jelemiya 51:35 Marejeleo ya Msalaba

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Boomboloshi 9:24

Ici cakacitika mukupilusha cibiibi cakacita Abimeleki pakucaya bana bakwe Gidyoni bali makumi osanwe aobilo, alimwi akubene Shekemu abo bakamucafwaako kubacaya.

Boomboloshi 9:20

Sombi na tabwishi, mulilo ubilime kuswa kuli Abimeleki akutenta bantu ba kuShekemu boonse alimwi aba kuBeti Milo. Alimwi mulilo ubilime kuswa kubantu ba kuShekemu aba kuBeti Milo utente Abimeleki.”

Matalikilo 16:5

Lyalo Salai wakaambila Abulamu ayi, “Ndimwe mwalengesha kwaamba ayi Aga ansebaanye. Nebo nemwiine ndime ndakamupa kuli ndimwe. Ono kuswabo mbwaakashibila ayi wamita, ulansebaanya. Ncibotu, Lesa mwiine aomboloshe akwishiba ululeme pali ndiswe sobilo, mwebo na nebo!”

Jelemiya 50:10

Aboobo bene Babiloni balaakusaalwa. Boonse abo beshi bakabasaale balaakubwesa mbuli mbobasuni. Nebo neMwaami Lesa ndaamba.”

Abakuku 2:17

Mwakatimboola shisamu mumusaansa wa kuLebanoni, ono bulya ndimwe mweshi mukatimboolwe. Mwakacaya banyama ba kuLebanoni, ono bulya banyama balaakumuyoosha. Ishi shilaakucitika ceebo mwakatila bulowa bwa bantu akucita shalunkutwe kushishi shiinji, kumandabala akubantu boonse bakalinga kwikalaamo.

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”