Jelemiya 51:34 - Baibo Busansulushi Bwa Libuku Ili

³⁴ Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Jelemiya 51:34 Marejeleo ya Msalaba

Jobo 20:15

Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.

Kulumbaisha 74:13

Ndimwe mwakapansaanya maanshi amulweenge ankusu shanu, akupwayoola mitwi ya cinyama ca mumaanshi.

Tushimpi 1:12

Atubamiine bweenka mbuli cuumbwe, ee, kubamina bakabumbulu mbuli bantu baya mukufukilwa.

Isaya 34:11

Bakapwa amakwiikwi nsheshi shikanookalaamo. Bamwiina abo pantu pomwi abacikwangala balaakunoopangamo shiinswa.

Isaya 42:22

Sombi aba mbantu bakasaalwa akunyaikwa shintu shoonse. Ncakwiila bamwi bakacatishikwa mushilindi, ee, bamwi boonse balishisitwe muntolongo. Baba shintu shakubwesabo kwakubula ubafunaako. Ee, baba shintu shakusaalabo kwakubula awaamba ayi, “Amubabooshe.”

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 51:49

Cishi ca Babiloni cakacaisha bantu baanji mucishi coonse. Ono cishi ca Babiloni cilaakuwa ceebo cakucaisha bene Isilaeli baanji. Nebo neMwaami Lesa ndaamba.”

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Malilo 2:16

Balwani bako boonse batookucelebula akukulangilisha cakukupata. Batookushibuluka akulumanya meeno akwaamba ayi, “Tweelobya. Ubu mbobushiku mbotwakalinga kulindilila. Ndushinisho twakalinga kubulangila ayi tukabuboone.”

Esekelo 36:3

“Paceebo ceeco laluka akubalwiita ceeco ncendaamba nebo neMwaami Lesa Shinkusu shoonse. Mishobo ishingulukite ndiyakakoma akusaala tulundu twa Isilaeli, yoonse yakasebaanya bene Isilaeli.

Osiya 8:8

Bene Isilaeli bamana ncito, bababo anga njimishobo imwi. Tabacite incito balibo anga nshikaye.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Naamu 2:2

Mwaami Lesa uli pafwaafwi kubooshesha bene Isilaeli bulemu bweenka mbobwakalinga kalekale ciindi balwani babo kabatana kubasaala akunyonyoola minyansa yabo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [