Jelemiya 51:33 - Baibo Busansulushi Bwa Libuku Ili

³³ Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Jelemiya 51:33 Marejeleo ya Msalaba

Isaya 18:5

Sombi bantu kabatana kutalika kutebula, maluba aakumana kulokaako kushisamu, minyansa yaakutalika kupya, balwani balaakunyonyoola bene Kushi cakufwambaana bweenka mbocibete cuubu cibeshi kutimbula misampi ya minyansa.

Isaya 21:10

Nobene Isilaelima, mwalyatoolwa anga nguwiti palubansa lwakulupwitaawo. Ono ndaambilisha kuli ndimwe makani abotu ayo ngondanyumfwa kuMwaami Lesa Shinkusu shoonse, Lesa wa bene Isilaeli.

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 51:32

Shito shoonse shashinkilwa. Shitolo shoonse shatentwa. Bashilumamba boonse batutuma kuboowa.

Osiya 6:11

Ono amwebo nobene Juda, ndamubambila ciindi ndyeshi mukapekwe mulandu pasheesho nshemutoocita.

Jowelo 3:13

Ncakwiila bubi bwabo mbunene abuumbi Amubatimbule bweenka bucita cicekeshi pakutebula witi. Amubalyatoole bweenka butyanwa minyansa mucilindi cakutyaninaamo ciswite kushikila waini wasefukila panshibo.”

Amosi 1:3

Mwaami Lesa waamba ayi, “Bene Damasikasi bakalinga kubisha lyobilo lyobilo, aboobo ndushinisho ndaakubapa mulandu. Bakacita shintu shalunkutwe kubene Gilyadi.

Mika 4:12

Sombi tabeshi miyeeyo ya Mwaami Lesa, ncakwiila tabanyumfwishi muyeeyo wa wooyo ubabunganya anga ngamakunka kumusena wakulupwitaawo.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Abakuku 3:12

Mubukali bwanu mwakeenda kucilingana cishi ca panshi. Ncakwiila mubukali bwanu buyoosha mwakalyatoola bantu bamumishobo yoonse.

Mateyo 13:30

Amwileeke misonde amaila shoonse shikulile pantu pomwi kushikila ciindi cakutebula. Lyalo ndaakwaambila beshikutebula ayi bakataangune kubunjika misonde akuyaanga milemile ayi itentwe. Lyalo ndyeshi bakacese maila akwaabika mubutala.’ ”

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.