Jelemiya 51:32 - Baibo Busansulushi Bwa Libuku Ili

³² Shito shoonse shashinkilwa. Shitolo shoonse shatentwa. Bashilumamba boonse batutuma kuboowa.

Jelemiya 51:32 Marejeleo ya Msalaba

Isaya 44:27

Ndime neŋambilabo liswi kulweenge ayi, ‘Yuma!’ alwalo lulayuma peenka apo.

Isaya 47:14

“Bantu abo balaakubabo anga mbwiisu butyolookite. Aboobo mulilo ulaakubamana kubatenta. Tabakoonshi akulipulusha kuswa mumulilo utoonyaka. Ncakwiila tabakoonshi kulipulusha kuswa kunkusu sha mulilo. Makalangasha a nguwo teshi akulikasaasha, ee, teshi mulilo wakuya mukwikala pafwaafwi ayi uyote.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Jelemiya 51:31

Beshikutumwa balikonkenebo, ee, beshinkombe balitungenebo kalongo kuya mukulwiita mwaami wa bene Babiloni ayi ndabala yakwe yakomwa kuswa kweela kuya mukushika ankoyeela.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Jelemiya 52:7

Mpeeke bakatulula cilyango mulubumbu lwa ndabala. Nakubi kwaamba ayi bashilumamba bene Babiloni bakalinga kushingulukite ndabala inene iyo, bashilumamba bene Juda boonse bakamana kuloboka ciindi ca mashiku. Bakeenda mumuunda wa bwaami akuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.