Jelemiya 51:11 - Baibo Busansulushi Bwa Libuku Ili

¹¹ Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 51:11 Marejeleo ya Msalaba

1 Baami 11:14

Paciindi ico Mwaami Lesa wakalengesha Adadi wa kumukowa wa bwaami bwine Edomu kwaamba ayi abukile Solomoni.

1 Baami 11:23

Lesa wakalengesha Lesoni mwanaakwe Eliyada ayi alakwe abukile Solomoni. Lesoni wakaloboka kumwaami wakwe, Adadesa mwaami wa kuSoba.

1 Makani 5:26

Lyalo Lesa wa bene Isilaeli wakalengesha Pulu mwaami wa bene Asilya uyo wakalinga kwiitwa ayi Tigilati Pilesa, kulwana cishi cabo. Wakatola busha boonse bamumukowa wakwe Lubeni, Gadi alimwi amusa wa mukowa wakwe Manase. Wakabatola kuAla, Abo, Aala alimwi amuya Mulonga wa Gosani uko nkobabete asunu.

2 Makani 36:22

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Esila 1:1

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Isaya 10:26

Nebo nemwiine neMwaami Lesa ndaakubakwipa aciswepu bweenka mbondakacita bene Midyani kumwaandami wa kuOlebu. Ndaakubanyonyoola ankooli yangu bweenka mbondakacita kubene Ijipiti paLweenge Lusalala.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 21:5

Amubone babamba matebulu, bayala mpasa, balya akunwa! Ono cakuteengashila banyumfwabo liswi kalyaamba ayi, “Amunyamuke mwebo nobamatanjilili ba bashilumamba munanike mafuta kumayawo anu.”

Isaya 41:25

“Amunyumfwe, nebo ndasongaanya muntu umwi wa kwicwe. Pakwisa mukumulwana ulaakuswita kumatwa. Lakwe ulalyatoola baleli anga ngamatipa. Ulabalyatoolabo anga ngumubumbi utookanda bulongo.

Isaya 45:1

Ono Mwaami Lesa waambila Sailasi uyo ngwaakasala ayi, “Ndakucatilila palyaansa lyalulyo kwaamba ayi ukome mishobo ya bantu akufuula bamaami bulemu bwabo. Ndaakukucalwita shisasa sha kuminjililo ya mandabala anene kwaamba ayi ikanoolibo bwaashi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Jelemiya 25:25

bamaami boonse ba kuSimili, Elamu aMediya,

Jelemiya 46:3

“Amubambe mayawo anu, anene aaniini oonse, muye kunkondo!

Jelemiya 46:4

Amwaange maaki anu, mutantewo! Amwiimikane mumisena yanu! Amufwale shimpoompo shanu sha nkondo! Amunone masumo anu akufwala shakulwanisha shoonse!

Jelemiya 46:9

Akutumbe kasuko nomaaki! Amucaile cankusu mwebo nobeshishikoci! Kamuya kunembo mwebo nobashilumamba bacibwene kulwana, nobene Kushi anobene Libya nomunyamuna mayawo, ee, anobene Lidiya nomulwanisha mata.”

Jelemiya 50:25

Ndacalula ŋanda ya shakulwanisha shangu. Mubukali bwangu ndashikusha ceebo nebo neMwaami Lesa Shinkusu shoonse ndicite ncito njeensuni kusebensa mucishi ca bene Babiloni.

Jelemiya 50:3

“Mushobo wa kumatwa ulaakubalwana akunyonyoola cishi cabo. Taaku muntu weshi akekaleemo, bantu alimwi abanyama boonse balaakucicaamo.”

Jelemiya 50:45

Paceebo ceeco amunyumfwe isho nebo neMwaami Lesa nshendakapinga pabene Babiloni, munyumfwe sheesho nsheensuni kucita kubantu abo. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 50:9

Ndaakumusonkomweta likoto lya mishobo iyumu yakumatwa akulengesha bashilumamba ba ndilyo kulwana cishi ca Babiloni. Bashilumamba ba ndilyo balaakwiimikana mumisena yabo akucilwana. Balaakucilwana akucikoma. Mifwi yabo ilaakunoolibo anga mbapalu abo batabooli maansabo.

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

Jelemiya 51:35

Bantu bekala kuSiyoni baamba ayi, “Bene Babiloni abapekwe mulandu palunkutwe ndobakacita pali ndiswe.” Bene Jelusalemu baamba ayi, “Bulowa bwesu abutikile pabaabo bekala muBabiloni.”

Jelemiya 51:36

Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Jowelo 3:10

Amufule milomo ya shakulimisha shanu ayi ibe mipeeni. Amufule shakukwesoosha shisamu ayi shibe masumo. Ono abalefukite boonse balyeelete kulwana.

Jowelo 3:9

“Amwaambilishe pakati ka mishobo yoonse ayi, ‘Amulibambile kulwana! Amubalamune bashilumamba bacibwene! Amubunganye bashilumamba banu boonse bese balwane.

Bene Lefi 26:25

Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.