Jelemiya 50:46 - Baibo Busansulushi Bwa Libuku Ili

⁴⁶ Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Jelemiya 50:46 Marejeleo ya Msalaba

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 46:12

Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 49:21

Cishi coonse ca panshi cilaakutenkaana ceebo ca coongo ca mishinga yabo. Kulila kwabo kulaakunyumfwika akuLweenge Lusalala.

Jelemiya 51:29

Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.

Jelemiya 51:54

Mwaami Lesa waamba ayi, “Amunyumfwe mibila itooswa kuBabiloni, nkulila kwakunyonyooka kunene kwesa mucishi ca bene Babiloni.

Esekelo 26:18

Bulya bantu ba muloombe lwa lweenge batutuma, ee, batutuma pabushiku bwakuwa kwako. Abalo bantu ba pansumbu mulweenge bakankamana pakunyonyooka kwa mushobo uyo.’

Esekelo 27:28

Koolobesha kwa beshikweensha bwaato abo bakalinga kuya bupila, kwakanyumfwika kuloombe lwa lweenge.

Esekelo 31:16

Ndaakulengesha mishobo ya bantu kututuma kumushinga wa ncico bushiku ndaakutuma cisamu ico kumusena wa bafu. Lyalo shisamu shoonse sha muEdeni, shisamu shiindaawo kubota sha muLebanoni, nkokwaamba ayi shisamu shoonse shakalinga kutililwa kabotu isho shakaya kumusena wa bafu shilaakusangalala ceebo ca kuwa kwa ncico.

Esekelo 32:10

Ndaakulengesha bantu baanji kukankamana kuceeco nceshi nkacite. Bamaami babo balaakututuma kuboowa ceebo cako, ndaakushingulusha mupeeni kunembo lyabo. Pabushiku bwa kuwa kwako, womwi awomwi ulaakunootutumabo ciindi aciindi kuyeyeela buumi bwakwe.’ ”