Jelemiya 50:42 - Baibo Busansulushi Bwa Libuku Ili

⁴² Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 50:42 Marejeleo ya Msalaba

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Kulumbaisha 74:20

Kamwiibaluka cipangano canu ncemwakatupa, mukwiinga kuli beshikunyonyonganya mumisena yoonse iyubite ya mucishi.

Isaya 14:6

iyo yakalinga kuumishikwa mishobo ya bantu cabukali alimwi cakutacilekaawo. Mubukali yakakoma mishobo iinji akwiipensha cakutaboolaawo pesule.

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Isaya 5:28

Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 47:3

Balaakunyumfwa minkiti ya shoondo sha maaki, coongo ca shikoci sha balwani babo akuyobeka kwa mawilo a nshisho. Bamashali basankwa teshi bakaboole kwisule mukufuna bana babo. Maansaabo alaakunooloketebo.

Jelemiya 50:14

“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.

Jelemiya 50:9

Ndaakumusonkomweta likoto lya mishobo iyumu yakumatwa akulengesha bashilumamba ba ndilyo kulwana cishi ca Babiloni. Bashilumamba ba ndilyo balaakwiimikana mumisena yabo akucilwana. Balaakucilwana akucikoma. Mifwi yabo ilaakunoolibo anga mbapalu abo batabooli maansabo.

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Esekelo 26:3

Paceebo ceeco Mwaami Lesa Shinkusu shoonse waamba ayi, ‘Ndaakukulwana ondabala ya Taya akukuletela mishobo imwi kwisa mukukulwana bweenka bunyamuka maaba a mulweenge.

Jowelo 2:5

Cisoshi citoosotooka peculu pakalundu akupanga coongo cili anga nca shikoci. Citootolooka bweenka bucita mulilo mubwiisu buyumu. Caliyala bweenka bucita bashilumamba balibambila kulwana.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”