Jelemiya 50:30 - Baibo Busansulushi Bwa Libuku Ili

³⁰ Aboobo bacikula bwangu bamumo balaakukungubala mumikwakwa ya ndabala iyo. Bashilumamba boonse bekalaamo balaakunyonyoolwa pabushiku ubo. Nebo neMwaami Lesa ndaamba.”

Jelemiya 50:30 Marejeleo ya Msalaba

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 48:15

Cishi ca Moabu cilaakunyonyoolwa amandabala anene a mumo alaakusaalwa. Bacikula bwangu ba ncico babotu balaakucaikwa. Nebo neMwaami wiitwa ayi Mwaami Lesa Shinkusu shoonse ndaamba.

Jelemiya 49:26

Pabushiku ubo ndushinisho bacikula bwangu ba mumo balaakucaikwa mumikwakwa. Bashilumamba ba ndabala iyi balaakunyonyoolwa.

Jelemiya 50:36

Bacaikwe amupeeni balaluki bamumo babeshi! Baba baluya! Bacaikwe amupeeni bashilumamba ba mumo! Ncakwiila baliloondete abuumbi.

Jelemiya 9:21

Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”

Ciyubululo 19:18

Kamwisa mulye mituntu ya bamaami, bamatanjilili ba bashilumamba alimwi abashilumambabo, mituntu ya maaki abeshikutantaawo alimwi amituntu ya bantu boonse, basha abaangulukite, balemekwa alimwi abantubo!”

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.