Jelemiya 50:27 - Baibo Busansulushi Bwa Libuku Ili

²⁷ Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Jelemiya 50:27 Marejeleo ya Msalaba

Jobo 18:20

Kuswa kumbo tibili akwicwe boonse beshi bakanyumfwe shamapensho akamucitikila, balaakukankamana akunootutumabo kuboowa.

Kulumbaisha 22:12

Balwani baanji bambika pakati anga mbacende. Boonse banshinguluka anga mbacende bacite nkusu ba kuBashani.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Isaya 21:12

Shikulindilila wakumbula ayi, “Macuunsa atoosa, sombi aalo mashiku acisa. Na unanoocisuni kwiipusha, use wiipushe alimwi.”

Isaya 34:6

Mupeeni wa Mwaami Lesa ulaakupila mumalowa. Ee, ulaakufwekeleshekwa amafuta abo, kufwekeleshekwa bweenka mupeeni mbooba kubulowa bwa mbelele ampongo, alimwi akumafuta a kunsa sha mbelele shisankwa. Ceebo Mwaami Lesa ulaakubenga mulambu mundabala ya Bosila. Ee, muEdomu mulaakuba kucaikwa kuyoosha.

Isaya 34:7

Ubo bushiku abo baambwa ayi ninyati sha bantu balaakufwitabo pantu pomwi ambabo. Ee, kufwita pantu pomwi abaabo bacite nkusu anga mbacende baana nabi bacende banene. Cishi cabo cilaakunoolibo tontolo kumalowa, ncakwiila bulongo boonse bulaakunoolibo lololo kumafuta.

Jelemiya 12:3

Sombi noBaami baLesa nebo mulinshi, mulambona alimwi akweelesha miyeeyo yangu pali ndimwe. Basankwa abo babiibi, amubakwelaanye anga nimbelele itooya mukucaikwa! Mubabiike lubasu kushikila bushiku mbweshi bakacaikwe!

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 48:10

“Aashinganishikwe uyo utasuni kusebensa ankusu ncito yangu neMwaami Lesa! Aashinganishikwe uyo utasuni kucaya amupeeni wakwe.”

Jelemiya 48:15

Cishi ca Moabu cilaakunyonyoolwa amandabala anene a mumo alaakusaalwa. Bacikula bwangu ba ncico babotu balaakucaikwa. Nebo neMwaami wiitwa ayi Mwaami Lesa Shinkusu shoonse ndaamba.

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 50:31

Mwaami Lesa Shinkusu shoonse waamba ayi, “Bona, ntookulwana webo ocishi cilisumpula ceebo bushiku bwako bwakupekwa mulandu bwashikila.

Jelemiya 51:40

Ndaakubaleta kwisa mukucaikwa mbuli mbelele, ee, kucaikwa mbuli mbelele shisankwa nabi mpongo. Nebo neMwaami Lesa ndaamba.”

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Ciyubululo 18:10

Balaakwiimikana palaale kuloonda kwaamba ayi inga baakupekwa mulandu abalo. Balaakwaamba ayi, “Mapensho, mapensho kundabala inene ya Babiloni! Ncakwiila muawala yomwibo iyi wapekwa mulandu!”

Ciyubululo 19:17

Lyalo ndakabona munjelo wakalinga kwiimfwi palisuba. Wakoolobesha cankusu kubayuni boonse booluka mwiculu ayi, “Kamwisa, mubungane kumulalilo unene wakwe Lesa!