Jelemiya 50:24 - Baibo Busansulushi Bwa Libuku Ili

²⁴ Ndakakuteya koose webo ocishi ca Babiloni, awebo wakacatwa kootana kwishiba. Wakacanwa akucatwa ceebo wakalwana ndime neMwaami Lesa.

Jelemiya 50:24 Marejeleo ya Msalaba

Jobo 15:25

Ono ico ncecicitika kumuntu ufungila Lesa likoofi. Ee, uyo ulisumpula pameenso akwe Lesa Shinkusu shoonse

Jobo 40:2

“Sa webo inga wapikishanya aShinkusu shoonse? Kumbula tunyumfwe nowalinga kupikisha.”

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Jelemiya 48:43

Ncakwiila shiyoosha, shilindi alimwi atoose shitoomulindila nobene Moabu.

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Jelemiya 51:57

Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”