Jelemiya 50:2 - Baibo Busansulushi Bwa Libuku Ili

² “Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 50:2 Marejeleo ya Msalaba

Kulumbaisha 64:9

Lyalo bantu boonse balaakuloonda. Shintu isho Lesa nsheshi akacite balaakunooshiyeeya alimwi balaakunooshimikilako bamwi.

Kulumbaisha 96:3

Amwaambilishe bulemu bwakwe kumishobo yoonse, Amwaambilishe milimo yakwe ya nkusu kubantu boonse.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 13:2

Imika mbembela ya nkondo peculu lya kalundu! Olobesha kubashilumamba akunyamuna lyaansa lyako kubasakisha kundabala inene ilya ilisumpula.

Isaya 21:9

Ono anaaba baashika! Bashilumamba bobilo bobilo bali pamaaki baashika.” Mpomunyaawo shikulindilila wakaambilisha ayi, “Babiloni wawa! Ee, Babiloni wawa! Ono sunu shibumbwabumbwa shoonse nshebalambila shitoopwayoolwa.”

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 39:1

Paciindi ceenka ico Melodaki Baladani mwanaakwe Baladani, mwaami wa bene Babiloni, wakanyumfwa ayi mwaami Esekiya ngumulwashi. Paceebo ceeco wakamutumina nkalata alimwi acipo.

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 48:6

“Shintu shoonse ishi mwakashinyumfwaawo kale, bulya mulyeeletebo kusumina ayi ndakaamba lushinisho. Kuswa sunu ndaakumulwiita shintu shimwi shipya, ee, shintu shishisitwe isho nshemutana kunyumfwaawo kale.

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 4:16

Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.

Jelemiya 4:6

Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Jelemiya 46:14

“Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’

Jelemiya 50:46

Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Jelemiya 51:31

Beshikutumwa balikonkenebo, ee, beshinkombe balitungenebo kalongo kuya mukulwiita mwaami wa bene Babiloni ayi ndabala yakwe yakomwa kuswa kweela kuya mukushika ankoyeela.

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 51:47

Ndushinisho ciindi cilaakushikila ndyeshi nkape mulandu shibumbwabumbwa sha kuBabiloni. Cishi coonse cilaakulisenda aboonse beshi bakacaikwe, balaakukungubala mukati muli ncico.

Jelemiya 51:52

“Sombi ciindi cilaakushikila ndyeshi nkape mulandu shibumbwabumbwa sha bene Babiloni. Lyalo beshibakacisikwe balaakutongela mucishi coonse ca Babiloni.

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

Jelemiya 52:31

Mumwaaka Efilu Melodaki ndyaakaba mwaami wa bene Babiloni, wakanyumfwila nkumbu Jeoiyakini mwaami wa bene Juda akumwaangulula kuswa muntolongo. Ici cakacitika pabushiku bwa makumi obilo anshiiku shosanwe mumweenshi walikumi amyeenshi yobilo wa mwaaka wamakumi otatwe amyaaka yosanwe ayobilo kuswa ciindi Jeoiyakini ndyaakatolwa busha.

Jelemiya 6:18

“Paceebo ceeco nebo neMwaami Lesa ndaamba ayi, ‘Amunyumfwe mwebo nomishobo ya bantu. Amulangilishe mwebo nobakamboni isho sheshi shikacitike kubantu bangu.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 3:14

Mpeeke wakeepusha basankwa abo ayi, “Shadileki, Mishaki alimwi aAbedinego, sa ncakwiila mutookaka kulambila balesa bangu nabi kulambila cibumbwabumbwa ca golodi ico ncendakeemika?

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.