Jelemiya 50:19 - Baibo Busansulushi Bwa Libuku Ili

¹⁹ Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.

Jelemiya 50:19 Marejeleo ya Msalaba

Esila 2:1

Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaanda babo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha.

Lwiimbo lwakwe Solomoni 6:5

Cileke kunangilisha ndakusenga mukwiinga meenso ako alanyamuna moyo Misusu yako ilibo anga nditanga lya mpongo litookunkuluka Kalundu ka Gilyadi.

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 3:18

Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Jelemiya 31:14

Bapailishi ndaakubapa shakulya shiinji shibotu akupa bantu bangu shoonse shiyandika mubuumi bwabo. Nebo neMwaami Lesa ndaamba.”

Jelemiya 31:25

Ndaakubooshamo nkusu sha baabo balemete akupa shakulya batoowisooka kunsala.

Jelemiya 31:6

Bushiku bulaakushikila beshikulindilila ndyeshi bakaliile patulundu twa kuEfuleemu ayi, ‘Kamwisa tuye kuSiyoni, ee, tuye kuMwaami Lesa, Lesa wesu.’ ”

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 46:27

“Mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 50:6

“Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Esekelo 36:33

Mwaami Lesa Shinkusu shoonse waamba ayi, “Bushiku mbweshi nkamusalashe kuswa kushibiibi shanu shoonse, ndaakulengesha ayi mumandabala anu mukanookala bantu alimwi, aalo maanda alaakuyakululwa.

Esekelo 38:8

Paakwiinda nshiku shiinji mulaakwiitwa kuya kunkondo. Mumyaaka itoosa mulaakuya mukulwana cishi ca bantu batokookesha kuswa kunkondo. Ico ncishi ca bantu bakabunganishikwa kuswa pakati ka mishobo iinji kuya kutulundu twa Isilaeli uto twatalinga kucite bantu kwaciindi cilaamfu. Bantu aba bakakushikwa pakati ka mishobo imwi, bulya boonse balishiite kwakubula cakulisukama.

Esekelo 47:18

“Nyinsa yakwicwe ilaakululama kumalenge kutalikila pakati ka cishi ca Damasikasi aca Aulani uko Mulonga wa Joodani nkweshi ukabe nyinsa ya cishi ca Isilaeli acishi ca Gilyadi kuya mukushika kundabala ya Tama ili kuLweenge lwa Mwiinyo.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Sekaliya 10:10

Ndaakubaboosha kuswa kuIjipiti akubaboosha kuswa kuAsilya. Ndaakubaleta kuGilyadi akuLebanoni alimwi ncakwiila balaakwaata uko.

Shakubelenga 32:1

Ono mukowa wakwe Lubeni awakwe Gadi yakalinga kucite shifubwa shiinji abuumbi. Ono ndibakabona cishi ca Jasa aca Gilyadi ncibotu kushifubwa,

Shakubelenga 32:4

ayo Mwaami Lesa ngaakalengesha ayi bene Isilaeli bakome, njimisena ibotu abuumbi kushifubwa alimwi swebo tulicite shifubwa shiinji abuumbi.

Joshuwa 17:15

Mpeeke Joshuwa wakabakumbula ayi, “Na mwafula cakwaamba ayi cishi ca tulundu ca bene Efuleemu caceya, anu amuye musokole luundu luli mucishi ca bene Pelisi alimwi aca bene Lefaimu.”