Jelemiya 50:16 - Baibo Busansulushi Bwa Libuku Ili

¹⁶ Amulengeshe ayi muBabiloni mubule shikushanga nabi shikutebula ashicekeshi. Ceebo ca mupeeni wa shikulyatilila bantu, muntu womwi awomwi aaboolele kubene mishaabo, ee, boonse abacicile kucishi cine mishaabo.”

Jelemiya 50:16 Marejeleo ya Msalaba

Isaya 13:14

“Baswamashi bekala muBabiloni balaakucicila kushishi shine mishaabo cakupalangana anga ninsefu shitooloonda bafwimi, nabi anga nimbelele shabula mweembeshi.

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Jelemiya 46:16

Bashilumamba banu balisuntula akuwa. Womwi awomwi utokwaambila mubye ayi, ‘Amunyamuke, katiya kubene misheesu kucishi cine misheesu, tucice mipeeni ya beshikutulyatilila.’

Jelemiya 51:23

Kwiinda muli ndiwe ndapwayoola beembeshi ambelele shabo, balimi abasune babo, baleli alimwi abacinenenene babo.”

Jelemiya 51:9

Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Amosi 5:16

Mwaami Lesa Shinkusu shoonse waamba ayi, “Mulaakuba kulila mumikwakwa yoonse akulila cakupenga mumisena mucanika bantu baanji. Balimi balaakwiitikwa ayi balilile pantu pomwi abaabo balipilwa maali.