Jelemiya 50:15 - Baibo Busansulushi Bwa Libuku Ili

¹⁵ Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Jelemiya 50:15 Marejeleo ya Msalaba

1 Makani 29:24

Bacinenenene boonse abashilumamba kubikaawo abana bakwe Defedi bakashomesha kunyumfwila Solomoni.

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

Kulumbaisha 149:7

kwaamba ayi babooshe cishole kumishobo imwi, akwaanisha bakunsengwe boonse abo.

Kulumbaisha 94:1

NoBaami baLesa, ndimwe mupa milandu, amubooshe cishole kubamucita shibi.

Isaya 59:17

Mpeeke wakafwala bululami anga ncakufwala ca pacaamba ca nkondo Kumutwi wakafwalaako lupulusho anga ncimpoompo. Kuyanda kuboosha cishole kubalwani bakwe akwalo wakakufwala akufwala moyo mpwampwa anga ncakufwala cakwe ca peculu.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Isaya 63:4

Ceebo cakalinga mumoyo wangu nkuboosha cishole. Mwaaka wakupulusha kwangu awalo wakashika.

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Jelemiya 50:14

“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.

Jelemiya 50:25

Ndacalula ŋanda ya shakulwanisha shangu. Mubukali bwangu ndashikusha ceebo nebo neMwaami Lesa Shinkusu shoonse ndicite ncito njeensuni kusebensa mucishi ca bene Babiloni.

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 51:14

Nebo neMwaami Lesa Shinkusu shoonse ndashomesha cakulumbila ayi, ‘Ndushinisho ndaakuleta bashilumamba baanji anga ncisoshi kwisa mukulwana Babiloni. Bashilumamba abo balaakoolobesha ceebo cakukoma.’ ”

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

Jelemiya 51:25

Webo Babiloni uli anga nkalundu kanyonyoola cishi ca panshi coonse, sombi nebo neMwaami Lesa ndi mulwani wako. Ndaakutandabika lyaansa lyangu kukulwana. Ndaakukumwayoola cakukushishabo apanshi peene akukushiya kooli kalundu kashukutite.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Jelemiya 51:36

Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 51:58

Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Malilo 5:6

Twakalyaababo mumaansa a bene Ijipiti abene Asilya kwaamba ayi tucane cakulya.

Esekelo 17:18

Mwaami wa bene Juda wakapwaya kushomesha cakulumbila kwakwe acipangano ico ncaakapanga ayi ulaakucilama. Wakacita shintu ishi shoonse aboobo teshi akapulukewo, sobwe.’

Esekelo 21:22

Ono cisolo cilaakuwita kumufwi wa kululyo uyo weshi ukanokwiimikanina ndabala ya Jelusalemu. Mwaami wa bene Babiloni ulaakuya kundabala iyo akuya mukutula minkulwa yakupwaishako lubumbu, kuya mukucitilako ciyobeyobe ca nkondo, kuya mukuyaamika minkulwa yakupwaishaako kuminjililo ya njiyo, kuyakako shitunta shakutantaawo pakulwana alimwi akukabako shilindi sha nkondo.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Joshuwa 6:20

Mpomunyaawo bapailishi bakalisha mapeenga. Ono bantu ndibakaanyumfwabo, bakoolobesha cankusu, mpeeke lubumbu loonse lwakawa. Lyalo bashilumamba boonse bakaya benjila mundabala iyo akwiibwesa.

Joshuwa 6:5

Ono na mukanyumfwe batolelela kulisha linkanda ilyo boonse bantu bakoolobeshe. Lyalo lubumbu lwa ndabala loonse lulaakuwa. Mpeeke bashilumamba boonse balaakwinjila mundabala umo.”

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.